Sɔlɔmɔn In Siŋ Dɛm 1:4 - Krio Fɔs Oli Baybul

⁴ Drɔ mi biɛn yu, lɛ wi mekes Di kiŋ dɔn briŋ mi kam insay in rum. Wi go gladi ɛn gladi pan yu wi go prez yu lɔv pas wayn dɛn nɔ mis we dɛn lɛk yu.

Sɔlɔmɔn In Siŋ Dɛm 1:4 Referans Kwoze

Jɔn 6:44

Nɔbɔdi nɔ go kam to mi pas mi Papa we sɛn mi briŋ di pɔsin kam to mi; ɛn a go mek di pɔsin rayz frɔm in grev ɛn gi am tru layf, di de we Gɔd go jɔj ɔlman.

Ozie 11:4

I bin de waka wit dɛn wit sɔri at rop, wit lɛknɛs ankɔf, ɛn na mi bin dɔn bi di pɔsin we mek di ston na dɛn jabon nɔ de at, ɛn a bin butu fɔ fid dɛn.

Jɔn 12:32

Wɛn dɛn put mi pan di krɔs ɛn es mi ɔp, a go mek ɔlman kam to mi.”

Jɛrimaya 31:3

PAPA GƆD apia to am frɔm fawe. A lɔv yu wit da lɔv we de sote go; fɔseka dat a kɔntinyu fɔ waka tret wit una.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Lyuk 22:19

Jizɔs tek bred ɛn wɛn i dɔn tɛl Gɔd tɛnki, i kɔt, kɔt am gi in apɔsul dɛn ɛn se, “Dis bred na mi bɔdi [we a dɔn sakrifays fɔseka una. Una fɔ de it am fɔ mɛmba mi.”

Lyuk 2:10

Di enjɛl se, “Una nɔ fred! A briŋ gud nyuz fɔ una we go mek pipul gladi bad ɛn ɔl di Izrɛl pipul dɛn go gladi.

Matyu 25:10

So di fayv ful yɔŋ gyal dɛn go fɔ bay dɛn ɔyl na shap; wɛn dɛn de go na di shap, nain di ɔkɔ kam mit di fayv yɔŋ gyal dɛn we bin dɔn rɛdi, i tek dɛn go insay di ples we di mared pati bin de bi, dɔn dɛn lɔk di do.

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Ayzaya 63:7

A go tɔk bɔt PAPA GƆD in lɔv we nɔ de chenj, PAPA GƆD in prez, bay ɔl wetin PAPA GƆD dɔn gi wi, ɛn di wɔndaful gud we i gud to Izrɛl we I du fɔ dɛn bikɔs i sɔri fɔ dɛm, bay aw in lɔv we nɔ de chenj, de abɔmpa.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Ayzaya 45:25

Ɔl Izrɛl in pikin dɛn go gɛt viktri ɛn mek nem insay PAPA GƆD.

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Sɔlɔmɔn In Siŋ Dɛm 3:4

I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

Di Sam Dɛm 149:2

Lɛ di Izrɛlayt dɛn gladi fɔseka di wan we mek dɛn; lɛ di pipul na Zayɔn gladi mɔ fɔseka we in na dɛn kiŋ.

Lɛta Fɔ Ɛfisɔs 2:6

Bikɔs wi gɛt wanwɔd wit Jizɔs Krays, Gɔd dɔn mek wisɛf rayz frɔm di grev lɛkɛ aw Jizɔs Krays bin rayz, so wisɛf de rul wit Jizɔs Krays na di ples we de nɛks wɔl.

Zɛfinaya 3:14

Lɛ di uman dɛn na Zayɔn siŋ lawd wan! Lɛ ɔlman na Izrɛl ala! Lɛ ɔlman na Jerusɛlɛm sho aw dɛn gladi wit ɔl dɛn at una di uman dɛn na Jerusɛlɛm.

Di Sam Dɛm 119:60

A nɔ de westɛm fɔ du wetin yu lɔ se.

Di Sam Dɛm 119:32

A go de du wetin yu want mi fɔ du ɔltɛm wans yu mek a ɔndastand am mɔ.

Di Sam Dɛm 111:4

I dɔn so du am dat pipul nɔ go ɛva fɔgɛt di wɔndaful tin dɛn we i de du. PAPA GƆD gɛt sɔri-at bad.

Di Sam Dɛm 63:5

A go tan lɛk we pɔsin satisfay afta i dɔn it gud it ɛn a go gladi fɔ siŋ prez to yu.

Di Sam Dɛm 48:9

We wi de wɔship ɛn prez yu, PAPA GƆD insay yu os, wi de ebul fɔ mɛmba aw di lɛk we yu lɛk wi nɔ de ɛva chenj.

Di Sam Dɛm 42:4

As a de blo mi maynd, a mɛmba we mi ɛn ɔda pipul kin de lid machpas fɔ go na PAPA GƆD in os na Jerusɛlɛm, na so we kin de ala we wi de siŋ ɛn tɛl PAPA GƆD tɛnki as wi de sɛlibret.

Pita In Fɔs Lɛta 1:8

Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lɛta Fɔ Ɛfisɔs 6:24

Mek Gɔd blɛs dɛn pipul we lɛk wi Masta, Jizɔs Krays fɔ tru.

Sɔlɔmɔn In Siŋ Dɛm 4:10

Di we we yu lɔv swit, mi sista, mi yawo! Yu lɔv i bɛtɛ pas wayn, ɛn di fayn sɛnt we yu pafyum dɛn de pul pas spays.