Sɔlɔmɔn In Siŋ Dɛm 1:12 - Krio Fɔs Oli Baybul

¹² Wɛn di kiŋ de nain kawch mi pafyum skata fayn sɛnt.

Sɔlɔmɔn In Siŋ Dɛm 1:12 Referans Kwoze

Jɔn 12:3

Wɛn dɛn de it, nain Meri tek wan bɔtul sɛnt tɔn am pan Jizɔs in fut, dɛn i wep dɛn wit in ia; di sɛnt na bin dia dia sɛnt, we dɛn tek wan plant we nem nad mek. Ɔlman na di os smɛl di fayn sɛnt.

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Mak 14:3

Jizɔs bin de na Bɛtani na Saymɔn in os, da Saymɔn we bin gɛt bad sik nain skin. As Jizɔs de it, nain wan uman kam wit sɛnt insay wan bɔtul we dɛn tek ala ba sta ston mek. Di sɛnt we bin de insay di bɔtul na bin dia dia sɛnt we dɛn tek nad mek, dɛn nɔ bin miks am wit ɛni ɔda plant. Di uman brok di bɔtul in mɔt ɛn tɔn di sɛnt pan Jizɔs in ed.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Matyu 22:11

“Di kiŋ go na di ples we dɛn mek di pati, i si wan man de we nɔ wɛr di klos we i fɔ wɛr na di mared pati.

Matyu 22:4

So i sɛn sɔm ɔda bɔy dɛn to di pipul dɛn. I se, ‘Una tɛl dɛn se, a dɔn rɛdi ɔltin fɔ di pati; dɛn dɔn kil ɛn bucha dɛn man kaw ɛn dɛn fat kaw, ɔltin dɔn rɛdi. Una kam na di mared pati!’

Sɔlɔmɔn In Siŋ Dɛm 7:5

Yu ed ay lɛk Mawnt Kamɛl ɛn yu lɔŋ ia tan lɛk pɔpul klos; yu dɔn kapchɔ kiŋ insay yu ia.

Di Sam Dɛm 45:1

Lɛkɛ pɔsin we in wok na fɔ rayt, na so a de tink bɔt di fayn, fayn tin dɛn; we a go put insay di siŋ we a de mek fɔ di kiŋ.

Sɔlɔmɔn In Siŋ Dɛm 1:11

Wi go mek gold trinkɛt fɔ yu, dɛn go dɔt dɔt am wit silva.