Ruth 4:6 - Krio Fɔs Oli Baybul

⁶ So di fambul we bin wan bay di land bak se i nɔ go bay am fɔ insɛf igen bikɔs dat min se in nɔ go gɛt natin pan di prɔpati. I se mek Boaz bay am bak bikɔs i nɔ ebul du dat.

Ruth 4:6 Referans Kwoze

Ruth 3:13

I tɛl Ruth se mek i slip de da nɛt de, dɔn na mɔnin, in go go aks di man if i go gri fɔ mared Ruth. I se mek i mared am. Bɔt if i se nɔ, i prɔmis bifo PAPA GƆD se in di Boaz go mared Ruth.

Lɛvitikɔs 25:25

Fɔ gri mek ɛni pan dɛn kɔmpin we sɛl in prɔpati bikɔs po mit am in klos fambul bay di prɔpati bak.

Ditarɔnɔmi 25:7

Bɔt if di brɔda we de nɔ gri fɔ mared in brɔda we dɔn day in wɛf, di uman fɔ go na di kɔt to di bigman dɛn na di siti, go tɛl dɛn se, in man in brɔda nɔ gri fɔ mek in brɔda we dɔn day in nem nɔ ɔt na Izrɛl, ɛn i nɔ de du wetin man we dɔn day in brɔda, sɔpoz fɔ de du to in let brɔda wɛf.

Jɛnɛsis 38:8

Na de Juda tɛl Onan se i fɔ mared Tama, yu brɔda we dɔn day in wɛf, so dat i go bɔn bɔypikin we go mek in brɔda insɛf gɛt jɛnareshɔn dɛn.

Ditarɔnɔmi 25:8

Di bigman dɛn fɔ sɛn kɔl di man ɛn koks am lɛ i go mared in let brɔda wɛf. If i stil se nɔ, in nɔ go mared am,

Ditarɔnɔmi 25:9

di brɔda we dɔn day in wɛf, fɔ waka go mit am usay i tinap, pul in sandal nain fut, pit nain fes, ɛn tɛl am bifo ɔlman se, na so fɔ du pɔsin we nɔ gri fɔ du wetin fɔ du, fɔ mek in brɔda in nem nɔ ɔt na Izrɛl.

Ruth 2:20

We Naomi yɛri dat nain i ala se mek dɛn blɛs PAPA GƆD fɔ we i nɔ de fɔgɛt in pipul dɛn wɛda dɛn liv ɔ dɛn day. I tɛl Ruth se Boaz na dɛn fambul. I se in na wan pan dɛn gud gud fambul.

Ruth 3:9

I aks udat de de. Ruth ansa se in na Ruth ɛn tɛl am fɔ prɛd in skat ɛn kɔba am as in na man we kin mared am.