Ruth 4:14 - Krio Fɔs Oli Baybul

¹⁴ Dɛn di uman dɛn na di siti go mit Naomi ɛn jɔyn am fɔ prez PAPA GƆD. Dɛn se PAPA GƆD nɔ lɛ Naomi de i nɔ gɛt fambul. So lɛ di pikin bi bigman na Izrɛl.

Ruth 4:14 Referans Kwoze

Lyuk 1:58

In neba dɛn ɛn in fambul dɛn yɛri se Gɔd dɔn sɔri fɔ Ilizabɛt ɛn ɔlman gladi wit am.

1 Kɔrint 12:26

If wan pat pan di bɔdi de sɔfa ɔl di ɔda pat dɛn go sɔfa wit am, ɛn if wan pat gɛt rɛspɛkt, ɔl di ɔda pat dɛn go gladi wit am.

Jɛnɛsis 12:2

A go mek yu jɛnareshɔn bɔku te dɛn bi wanol neshɔn. A go blɛs yu ɛn mek yu femɔs, ɛn yu go bi blɛsin to ɔda pipul dɛn.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Fɔs Lɛta Fɔ Tɛsalonayka 5:18

ɛn una fɔ tɛl Gɔd tɛnki ɔltɛm fɔ ɔltin. Na so Gɔd want mek una we gɛt wanwɔd wit Jizɔs Krays, liv.

Lɛta Fɔ Rom 12:15

Una fɔ gladi wit pipul wɛn dɛn gladi, ɛn una fɔ sɔri wit pipul wɛn dɛn sɔri.

Jɛnɛsis 29:35

Dɔn i gɛt bɛlɛ bak ɛn i bɔn ɔda bɔypikin. I se, “Dis tɛm a go prez PAPA GƆD;” so i gi di pikin nem Juda. Afta dis wan ya, i tap fɔ bɔn.

Jɛnɛsis 24:27

I se, “A de prez yu PAPA GƆD. Yu we na PAPA GƆD fɔ mi masta Ebraam. Fɔ tru tru yu lɛk mi masta ɛn de du gud to am. Yu dɔn briŋ mi tret to mi masta in fambul dɛn.”