Ruth 4:11 - Krio Fɔs Oli Baybul

¹¹ Dɛn di bigman dɛn ɛn ɔlman we bin de na di get se, yɛs, dɛn de fɔ witnɛs ɛn pre mek di uman we i de mared tan lɛk Rechɛl ɛn Lia we na dɛn ɔltu bɔn pikin ful os fɔ Izrɛl. Dɛn pre mek bɛtɛ fala am lɛk Ɛfrata ɛn mek ɔlman no am na Bɛtliɛm.

Ruth 4:11 Referans Kwoze

Jɛnɛsis 29:32

Lia gɛt bɛlɛ ɛn i bɔn wan bɔypikin. I se, “PAPA GƆD dɔn si mi trɔbul, ɛn naw mi man go lɛk mi,” so i gi di pikin nem Rubɛn.

Matyu 2:6

‘Bɛtliɛm we de na Judia, yu impɔtant lɛkɛ dɛn ɔda big tɔŋ dɛn na Judia; wan pan yu pipul dɛn go bi rula fɔ Izrɛl, mi pipul dɛn.’”

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Di Sam Dɛm 132:6

Wi yɛri am na Bɛtliɛm ɛn fɛn am na Jearim fil.

Ruth 1:2

Di man bin nem Ɛlimɛlɛk, in wɛf nem Naomi, ɛn di tu bɔypikin nem na Malɔn ɛn Kiliɔn; dɛn na bin Ɛfratayt we kɔmɔt Bɛtliɛm insay Juda. Dɛn ɔl go na Moab ɛn tap de fɔs.

Ditarɔnɔmi 25:9

di brɔda we dɔn day in wɛf, fɔ waka go mit am usay i tinap, pul in sandal nain fut, pit nain fes, ɛn tɛl am bifo ɔlman se, na so fɔ du pɔsin we nɔ gri fɔ du wetin fɔ du, fɔ mek in brɔda in nem nɔ ɔt na Izrɛl.

Jɛnɛsis 24:60

Dɔn dɛn blɛs Ribɛka wit dɛn wɔd ya so. Dɛn se, “Wi sista, PAPA GƆD go wit yu ya. Lɛ PAPA GƆD gi yu bɔku pikin, ɛn mek yu jɛnareshɔn dɛn kɔnka ɔl dɛn ɛnimi dɛn!”

Prɔvabs 14:1

Mared uman we gɛt sɛns de mek in os, bɔt di wan we fulish, nain yon an i de tek skata am.

Jɛnɛsis 23:10

Da sem tɛm de Ɛfrɔn insɛf bin sidɔm wit sɔm ɔda Itayt pipul dɛn bifo di siti in get; so i ansa Ebraam bifo ɔlman we bin de de se,

Jɛnɛsis 29:25

We do klin na da tɛm de Jekɔb si se na Lia i bin lidɔm wit. I go tret to Leban ɛn blez pan am. I aks am se, “Wetin mek yu du mi so? Nɔto Rechɛl a wok fɔ? Wetin mek yu ple mi dis kayn gem?

Prɔvabs 31:23

In man gɛt rɛspɛkt ɔlsay ɛn i de wit di big wan dɛn na di siti.

Jɛnɛsis 29:16

Leban bin gɛt tu gyal pikin dɛn; Lia we na di big wan ɛn Rechɛl we na di smɔl wan.

Jɛnɛsis 35:23

Di bɔypikin dɛn we Lia bɔn na Rubɛn, we na Jekɔb in fɔs-bɔy-pikin, Simiɔn, Livay, Juda, Isaka, ɛn Zɛbyulɔn.

Jɛnɛsis 35:24

Rechɛl in bɔn Josɛf ɛn Bɛnjamin.

Ditarɔnɔmi 25:7

Bɔt if di brɔda we de nɔ gri fɔ mared in brɔda we dɔn day in wɛf, di uman fɔ go na di kɔt to di bigman dɛn na di siti, go tɛl dɛn se, in man in brɔda nɔ gri fɔ mek in brɔda we dɔn day in nem nɔ ɔt na Izrɛl, ɛn i nɔ de du wetin man we dɔn day in brɔda, sɔpoz fɔ de du to in let brɔda wɛf.

1 Kiŋ 21:8

Jɛzibɛl yuz Eab in nem rayt lɛta dɛn ɛn yuz Eab in yon nem stamp, sɛn dɛn to di bigman dɛn na di siti we Nebɔth de.

1 Kronikuls 2:51

Salma we na Bɛtliɛm in papa, ɛn Araf we na Bɛtgada in papa.

Jɛrimaya 32:10

A sayn di kɔnveans, sil am, gɛt witnɛs dɛm ɛn we di mɔni na skel.