Ruth 3:9 - Krio Fɔs Oli Baybul

⁹ I aks udat de de. Ruth ansa se in na Ruth ɛn tɛl am fɔ prɛd in skat ɛn kɔba am as in na man we kin mared am.

Ruth 3:9 Referans Kwoze

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Ruth 2:20

We Naomi yɛri dat nain i ala se mek dɛn blɛs PAPA GƆD fɔ we i nɔ de fɔgɛt in pipul dɛn wɛda dɛn liv ɔ dɛn day. I tɛl Ruth se Boaz na dɛn fambul. I se in na wan pan dɛn gud gud fambul.

Ruth 3:12

I se na tru se in na Ruth in man in gud gud fambul dɛn bɔt ɔda fambul de we nia pas am.

Lyuk 14:11

Da pɔsin we put insɛf ɔp, Gɔd go put am dɔŋ; ɛn da pɔsin we put insɛf dɔŋ, Gɔd go es am ɔp.”

1 Samiɛl 25:41

Abigɛl butu in fes na grɔn ɛn tɛl dɛn se in rɛdi fɔ sav Devid, so i go. I bin ivin was Devid in wokman dɛn fut.

Ruth 3:8

Midul nɛt, di man skyad wek ɛn we i tɔn, biol, biol, na uman i fil lidɔm kɔna to in fut.

Ruth 3:10

Nain i se, mek PAPA GƆD blɛs am bikɔs wetin i du da tɛm de pas wetin i bin dɔn du, bikɔs i nɔ go fɛn yɔŋ bɔy fɔ mared ɛn nɔ bisin if i jɛntri ɔ if i po.

Ruth 4:4

So in tink se fɔ tɛl am, so dat na usay di ɔda bigman dɛn de i go bay am if i want am. I se if i wan bay am bak, i fayn bikɔs nɔn ɔda pɔsin nɔ de fɔ bay am, ɛn nain di Boaz de afta am. Di man se in go bay am bak.

Ruth 4:6

So di fambul we bin wan bay di land bak se i nɔ go bay am fɔ insɛf igen bikɔs dat min se in nɔ go gɛt natin pan di prɔpati. I se mek Boaz bay am bak bikɔs i nɔ ebul du dat.