Ruth 3:7 - Krio Fɔs Oli Baybul

⁷ Wɛn Boaz dɔn it ɛn drink dɔn, in at layt. I go lidɔm midul di sid dɛn we dɛn payl. Di uman go saful, pul in kɔbaklos ɛn lidɔm to in fut.

Ruth 3:7 Referans Kwoze

Ɛsta 1:10

Di de we mek sɛvin, we di kiŋ in at layt bikɔs i dɔn drink bɔku wayn, i tɛl Mɛuman, Biztha, Abona, Bigtha, Abagtha, Zitha ɛn Kakas, di sɛvin okobo we de fɔ de wach wetin de apin na di kiŋ in os,

Di Jɔj Dɛm 19:6

So dɛn tu sidɔm it ɛn drink. Nain di gyal in papa tɛl di Livayt se mek i fil fri fɔ slip de da de de bak, so dɛn go ɛnjɔy dɛnsɛf.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

Di Jɔj Dɛm 19:9

Di tɛm we di Livayt ɛn in switat wit in wokman rɛdi se dɛn de go, di Livayt in switat in papa tɛl dɛn se i dɔn let, so mek dɛn slip de wantɛm; i se ivintɛm dɔn kam, so mek dɛn ɛnjɔy dɛnsɛf ɛn slip de wantɛm. I se dɛn go lɛf ali mɔnin di nɛks de fɔ go om.

Ɛkliziastis 10:19

Fɔ it na fɔ ɛnjɔy, wayn de mek yu at layt, ɛn mɔni de mek yu nɔ krach yu ed fɔ natin.

Ɛkliziastis 9:7

So, ɛnjɔy yu it, ɛn drink yu wayn wit gladi; bikɔs PAPA GƆD dɔn gri lɔntɛm se na so yu go du.

Ɛkliziastis 8:15

Na dat mek a se pɔsin fɔ ɛnjɔy insɛf, bikɔs natin nɔ de na dis wɔl we bɛtɛ fɔ mɔtalman pas fɔ it ɛn fɔ drink ɛn fɔ ɛnjɔy insɛf. Na so dɛn go de yagba na layf te di tɛm dɔn we PAPA GƆD gi dɛn na dis wɔl.

Ɛkliziastis 2:24

Di bɛst tin fɔ mɔtalman fɔ du, na fɔ it drink ɛn ɛnjɔy wetin i dɔn wok fɔ. A biliv se na so PAPA GƆD want am fɔ bi.

Di Sam Dɛm 104:15

na frɔm di plant dɛn, dɛn de mek wayn we de mek man at swit, dɛn de mek ɔyl fɔ gris in fes, ɛn ɔda tin dɛn fɔ it fɔ mek dɛn nɔ day.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

1 Kiŋ 21:7

Jɛzibɛl aks am if in nɔto kiŋ na Izrɛl we i de biev so; i se lɛ i it ɛn lɛ i nɔ wɔri insɛf bikɔs in go mek shɔ se in gi am Nebɔth da Jɛzrilayt in vayn fam.

Di Jɔj Dɛm 19:22

As dɛn bin de insay di olpa in os de drink wayn de ɛnjɔy dɛnsɛf, man dɛn we na lidɔm biznɛs nɔmɔ de na dɛn ed we de na di siti, dɔn sɔrawnd di os de bit bit di do. Dɛn tɛl di olpa se, mek i put di man we i kɛr go nain os, bikɔs dɛn wan lidɔm wit am.

Di Jɔj Dɛm 16:25

So, we dɛn dɔn fil fayn, dɛn bigin tɔk se lɛ dɛn pul Samsin kɔmɔt na do mek dɛn tek am mek fɔn. Dɛn pul am kɔmɔt na prizin ɛn tek am mek fɔn. Dɛn mek i tinap bitwin di pila dɛn.

Jɛnɛsis 43:34

Di it we dɛn bin sav dɛn na pan di wan we bin de na Josɛf in tebul. Bɛnjamin in yon it bin bɔku fayv tɛm pas dɛn ɔl. So dɛn it ɛn drink fri wan wit Josɛf.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Ruth 3:6

So i go dɔŋ na di milos ɛn du jɛs wetin in mɔdɛnlɔ bin tɛl am.

Ruth 3:8

Midul nɛt, di man skyad wek ɛn we i tɔn, biol, biol, na uman i fil lidɔm kɔna to in fut.