Ruth 3:3 - Krio Fɔs Oli Baybul

³ I se Ruth fɔ was, put pafyum ɛn drɛs fayn ɛn go na di milos bɔt i nɔ fɔ mek di man no se i de de pas we i dɔn it ɛn drink dɔn.

Ruth 3:3 Referans Kwoze

2 Samiɛl 14:2

So i sɛn sɔmbɔdi go briŋ wan uman we gɛt sɛns we de na Tɛkoa kam. Wɛn di uman kam, i tɛl di uman fɔ wɛr munin, nɔ kom in ia ɛn nɔ rɔb ɔyl lɛkɛ udat dɔn te we i de munin.

Ɛsta 5:1

Wɛn i dɔn fast fɔ tri de, Ɛsta wɛr di klos we i kin wɛr fɔ drɛs lɛk kwin. I go tinap na di kɔmpawnd in domɔt ɔpozit di ɔl we di kiŋ kin sidɔm. Di kiŋ in bin sidɔm na di chia we kiŋ kin sidɔm insay in os ɔpozit di domɔt;

Matyu 6:17

Wɛn una de fast, una fɔ was una fes ɛn kom una ia,

Ɛkliziastis 9:8

Yu fɔ drɛs fayn ɔltɛm ɛn rɔb ɔyl na yu ed ɔltɛm.

Di Sam Dɛm 104:15

na frɔm di plant dɛn, dɛn de mek wayn we de mek man at swit, dɛn de mek ɔyl fɔ gris in fes, ɛn ɔda tin dɛn fɔ it fɔ mek dɛn nɔ day.

Ruth 3:2

Naomi tɛl am se i fɔ mɛmba se Boaz na dɛn fambul. I se, da nɛt de na di milos, Boaz gɛt fɔ go fana ɔl di bali.

Ruth 3:4

I se, Ruth fɔ de wach usay di man de go lidɔm ɛn wɛn i dɔn lidɔm, Ruth fɔ go es in kɔbaklos ɛn lidɔm nia in fut. I go tɛl am wetin i fɔ du.

2 Samiɛl 12:20

As dɛn tɔk so, nain Devid grap na grɔn. I was insɛf, put pafyum, chenj in klos ɛn go insay PAPA GƆD in os ɛn go wɔship am. We i dɔn, i go nain yon os ɛn aks dɛn fɔ gi am it fɔ it.

Izikɛl 16:9

Dɛn, a was una wit wata ɛn was di blɔd kɔmɔt pan una, ɛn anɔynt una wit ɔyl.