Ruth 2:7 - Krio Fɔs Oli Baybul

⁷ I tɛl am se i beg fɔ mek dɛn gri lɛ i de pik pik di af af dɛn we de lɛf biɛn wɛn dɛn de avɛst. I tɛl Boaz se, i bin dɔn de pik frɔm ali mɔnin ɛn i nɔ blo sɛf.

Ruth 2:7 Referans Kwoze

Prɔvabs 22:29

Yu si pɔsin we sabi du in wok fayn, na wit big pipul i go de de ɔltɛm, yu nɔ go ɛva si am wit rifraf mɔtalman.

Prɔvabs 18:23

Wɛn poman de beg, i gɛt fɔ dɔbalɛ; bɔt wɛn di jɛntri man de ansa am, na rɔf wan i de tɔk to am.

Prɔvabs 15:33

If yu ɔna ɛn rɛspɛkt PAPA GƆD yu go lan fɔ gɛt sɛns, yu gɛt fɔ put yusɛf dɔŋ bifo dɛn go es yu op.

Prɔvabs 13:4

Les man nɔ de gɛt ɔl wetin i want, bɔt udat de wok traŋa go gɛt wetin i want.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Lɛta Fɔ Rom 12:11

Una fɔ wok traŋa wan, una nɔ fɔ les. Una fɔ put ɔl una at pan di wok we una de du fɔ di Masta.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Ruth 2:2

Wande, Ruth we na Moabayt uman tɛl Naomi se i wan go na di fam ɛn sɔntɛm pɔsin go sɔri fɔ am ɛn mek i pik di af af dɛn we kin lɛf afta dɛn dɔn avɛst dɔn. Naomi insɛf tɛl am mek i go.

Ruth 2:6

Di man tɛl am se na di Moabayt uman dat we fala Naomi tɔn bak we i kɔmɔt na Moab.

Ruth 2:8

So Boaz kɔl Ruth ɛn tɛl am se i nɔ fɔ kɔmɔt de go na ɛni ɔda fam. I se i fɔ de nia in wokuman dɛn.

Ruth 2:21

Ruth we na Moabayt uman tɛl am se nɔto dat nɔmɔ, i se di man tɛl am fɔ de nia in wokman dɛn te dɛn dɔn gɛda wetin dɛn fɔ gɛda.