Ruth 2:14 - Krio Fɔs Oli Baybul

¹⁴ We Boaz rɛdi fɔ it i kɔl am mek insɛf it. I se mek i it sɔm pan di bred ɛn dɔk am insay di wayn. So insɛf sidɔm nia di wokman dɛn, it; ɛn i gi am sɔm sid we dɔn pach fɔ it. I it te i bɛlful ɛn ivin lɛf sɔm.

Ruth 2:14 Referans Kwoze

Ruth 2:18

I kɛr am go na di siti go sho in mɔdɛnlɔ wetin i gɛda, dɔn i gi am di balans it we i bin gɛt pan di it we lɛf afta i bin dɔn bɛlful.

Matyu 14:20

Ɔlman it te dɛn bɛlful. Wɛn di lanin bɔy dɛn pik di af af we dɛn it lɛf, i ful twɛlv blay.

Ditarɔnɔmi 8:10

Mozis wɔn dɛn nɔ fɔ fɔgɛt fɔ blɛs PAPA GƆD we na dɛn PAPA GƆD fɔ di gud land, we dɛn go dɔn bɛlful.

Ayzaya 58:7

Nɔto fɔ sheb yu it wit udat aŋri, ɛn briŋ di po man we nɔ gɛt say fɔ tap, kam na yu os; we yu si di wan we nɔ gɛt klos, fɔ gi am klos, ɛn nɔ fɔ de ayd pan yu fambul dɛm?

Ayzaya 32:8

Bɔt di man we nobul kin plan gud tin dɛn ɛn na fɔ wetin rayt i kin tinap.

Di Sam Dɛm 23:5

Yu de mek a sidɔm midul mi ɛnimi dɛn, a de it ɛn a nɔ de fred. Infakt sɛf di we we yu de rɔb ori na mi ed mek a fil impɔtant. We yu de sav mi, mi kɔp kin ful sote i rɔnoba, so a kin drink te a satisfay.

2 Samiɛl 17:28

kɛr bedshit, bol ɛn tin dɛn we dɛn tek kle mek go gi am. Dɛn kɛr wit ɛn bali, flawa ɛn ros sid, difrɛn kayn binch,

1 Samiɛl 25:18

Abigɛl insɛf nɔ westɛm. I tek tu ɔndrɛd lof bred, tu bɔtul wayn, fayv ship we dɛn dɔn kuk ɛn drɛs fayn, tu bushɛl wit, wan ɔndrɛd kɔrant fɔ put pan kek, ɛn tu ɔndrɛd bɔnch dray fig we dɛn kin kwis fɔ travul. I lod dɛn ɔl pan dɔŋki.

1 Samiɛl 17:17

Wande, Jɛsi sɛn Devid fɔ kɛr sɔm pach it ɛn tɛn lof bred fɔ in brɔda dɛn. I tɛl am fɔ mekes go mit dɛn na di kamp.

Ditarɔnɔmi 11:15

Da tɛn de, gras go de plɛnti wan we dɛn kaw, got ɛn ship go it, ɛn dɛnsɛf go gɛt fɔ it bɛlful.

Ruth 2:13

Ruth se i dɔn tɔk to am fayn pan ɔl we in nɔto wan pan in wokuman dɛn.

Ruth 2:15

Wɛn i grap fɔ go gɛda in af af sid, Boaz tɛl in yɔŋman dɛn fɔ lɛf am lɛ i pik sɔm pan di wan dɛn we dɛn de avɛst.