Ruth 2:12 - Krio Fɔs Oli Baybul

¹² I pre mek PAPA GƆD blɛs am ɛn mek PAPA GƆD we nain i abop pan fɔ kɔba am, gi am ɔl di gud tin we i fɔ gɛt fɔ dat.

Ruth 2:12 Referans Kwoze

Di Sam Dɛm 36:7

Wi nɔ go gi prayz to yu lɔv! Yu de kɔba big ɛn smɔl wan lɛkɛ aw fɔl de kɔba in pikin.

Di Sam Dɛm 91:4

I go kɔba am lɛkɛ aw fɔl de kɔba in pikin; PAPA GƆD de kip in prɔmis dɛn ɛn go kɔba am ɔltɛm ɛn fɛt fɔ am.

Di Sam Dɛm 63:7

bikɔs na yu de ɛp mi. A de de ɔnda yu fɛda we yu kɔba mi ɛn a go de siŋ de.

Di Sam Dɛm 17:8

Gyad mi lɛk aw yu de gyad yu bɔlyay, kɔba mi lɛkɛ aw fɔl de kɔba in pikin dɛn

Di Sam Dɛm 61:4

A want fɔ de usay yu de na Jerusɛlɛm sote go ɛn ayd lɛk fɔl we de ɔnda in mama in fɛda, so i de fil sef.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Di Ibru Pipul Dɛn 11:26

I gri se if i sɔfa fɔseka di Mɛsaya we Gɔd go sɛn kam na wɔl, dat bɛtɛ fɔ am, pas fɔ gɛt ɔl di jɛntri we de na Ijipt. I put in at pan di blɛsin we i go gɛt bambay.

1 Samiɛl 24:19

I se na nɔmal tin fɔ mek we pɔsin mit in ɛnimi i dɔnawe wit am bɔt Devid nɔ du so. I aks PAPA GƆD fɔ blɛs Devid fɔ da tin de we i du.

Ruth 1:16

Ruth beg am mek i nɔ fos am fɔ tɔn bak bikɔs na usay in go, insɛf go go, usay i tap insɛf go tap, in pipul go bi insɛf yon pipul ɛn na di PAPA GƆD we i de wɔship insɛf go wɔship;

Di Sam Dɛm 57:1

Nɔ fɔgɛt mi O, PAPA, av masi, bikɔs na to yu nɔmɔ a de luk fɔ kɔba mi. Na yu nɔmɔ ebul kɔba mi lɛkɛ aw fɔl de kɔba in pikin, so a go ayd to yu te di trɔbul dɛn dɔn.

Di Ibru Pipul Dɛn 11:6

If pɔsin nɔ biliv Gɔd, i nɔ go ebul pliz am. Pɔsin lɛkɛ dat nɔ go kam klos Gɔd pas i biliv se Gɔd de ɛn i de du gud to dɛn pipul we de pre to am ɔltɛm.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Matyu 23:37

“Jerusɛlɛm, Jerusɛlɛm, oya, oya, una de kil dɛn prɔfɛt ɛn ston dɛn mɛsenja we Gɔd sɛn to una! Plɛnti tɛm a kin want gɛda una rawnd mi, lɛkɛ aw kombra fɔl de gɛda in pikin dɛn ɔnda in fɛda, bɔt una nɔba gri!

Matyu 5:12

Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Sɛkɛn Lɛta To Timoti 1:18

Lɛ Masta Jizɔs Krays mek Gɔd di Masta sɔri fɔ am di de we Jizɔs go kam bak! Yusɛf no di wok we i du na Ɛfisɔs.

Matyu 6:1

“Wɛn una de du dɛn tin we una rilijɔn tɛl una fɔ du, una nɔ fɔ du am, so dat ɔlman go si wetin una de du. If una du am fɔ mek pipul si una, una nɔ go gɛt wetin una Papa we de na ɛvin gɛt fɔ gi una.

Prɔvabs 23:18

Ɛn wɛn yu du dat di tumara go fayn fɔ yu.

Prɔvabs 11:18

Bad nɔ de pe ɛnibɔdi gud tin bɔt yu du gud de gɛt gud pe.

Di Sam Dɛm 58:11

Dat tɛm de ɔlman go se “fɔ tru PAPA GƆD na PAPA GƆD we de du tin tret wan, ɛn i de jɔj fia wan.”

Di Sam Dɛm 19:11

Aw PAPA GƆD de kɔt kes de mek a lan ɛn wɛn a de du wetin i se, i de blɛs mi.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Ruth 2:11

Boaz ansa am se, i dɔn yɛri bɔt ɔl wetin i dɔn du fɔ in mɔdɛnlɔ afta in man day ɛn aw i lɛf in papa ɛn mama ɛn usay i bɔn fɔ kam tap wit pipul na ples we i nɔ wande tap.

Ruth 2:13

Ruth se i dɔn tɔk to am fayn pan ɔl we in nɔto wan pan in wokuman dɛn.

Ruth 4:15

Dɛn se nain go mek Naomi gɛt layf bak ɛn nain go mek i go rɔju bikɔs nain dɔtɛnlɔ we lɛk am bad lɛk aw sɛvin bɔypikin go lɛk am, nain bɔn am.

Jɛrimaya 31:16

Na dis PAPA GƆD se: “nɔ yuz yu vɔys fɔ kray, ɛn nɔ yuz yu yay fɔ wata fɔ rɔn bikɔs yu go gɛt di pe fɔ yu wok, ɛn dɛn go kɔmɔt na dɛn ɛnimi in land kam bak.

1 Samiɛl 24:20

I se, in no se Devid go mɔs bi kiŋ ɛn dat Izrɛl go ɛnjɔy we i bi kiŋ.