Ruth 1:6 - Krio Fɔs Oli Baybul

⁶ In naw wit in dɔtɛnlɔ dɛn lɛf Moab bikɔs bay da tɛm de, i bin dɔn yɛri se PAPA GƆD dɔn sɔri fɔ in pipul ɛn gi dɛn tin fɔ it.

Ruth 1:6 Referans Kwoze

Di Sam Dɛm 132:15

A go mek shɔ se i gɛt ɔltin; di po pipul we de de go gɛt tin fɔ it.

Di Sam Dɛm 111:5

I de gi it to udat gɛt rɛspɛkt fɔ am. I de mɛmba ɔltɛm wetin i bin dɔn se nain Kɔvinant.

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Lyuk 19:44

Dɛn go ib una ɛn una pikin dɛn na grɔn ɔlɔbɔt ɛn dɛn nɔ go lɛf wan ston pan in kɔmpin insay una tɔŋ, bikɔs una nɔ bin no wɛn Gɔd bin kam fɔ sev una.”

Lyuk 1:68

I se: “Lɛ wi prez wi Masta we na di Izrɛl pipul dɛn Gɔd, bikɔs i dɔn kam to in pipul dɛn fɔ fri dɛn.

Matyu 6:11

Gi wi wetin wi fɔ it tide.

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Ayzaya 55:10

“Bikɔs lɛk aw ren ɛn sno de fɔdɔm kan dɔŋ kɔmɔt na di skay, ɛn nɔ de go ɔp bak, bɔt de wata di grɔn, de mek tin dɛn bia ɛn gro, de gi sid to di pɔsin we de plant, ɛn tin fɔ it to di wan we de it,

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Di Sam Dɛm 146:7

I de fɛt fɔ udat nɔ ebul fɛt fɔ insɛf ɛn gi it to udat nɔ gɛt tin fɔ it. PAPA GƆD de lɛ di prizina dɛn go fri.

Di Sam Dɛm 145:15

Ɔlman de luk ɔp to yu ɛn yu de gi dɛn tin fɔ it, di rayt tɛm.

1 Samiɛl 2:21

PAPA GƆD bin gud to Ana; I gɛt bɛlɛ ɛn i bɔn tri bɔbɔ ɛn tu titi. Ɔl da tɛm de, Samiɛl in lɛf na PAPA GƆD in os usay i gro ɔp.

Jɛnɛsis 50:25

Josɛf mek in pipul dɛn swɛ to am se, we dɛn de go na di kɔntri we PAPA GƆD dɔn prɔmis dɛn; dɛn go kɛr in bɔdi go.

Jɛnɛsis 48:15

Dɔn i blɛs Josɛf. I se, “Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya,

Jɛnɛsis 28:20

Na de Jekɔb prɔmis PAPA GƆD se “If PAPA GƆD de wit mi pan dis patrol we a de go so, if i gi mi tin fɔ it ɛn klos fɔ wɛr,

Jɛnɛsis 21:1

PAPA GƆD blɛs Sera, lɛkɛ aw i bin prɔmis.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Fɔs Lɛta To Timoti 6:8

If wi gɛt it fɔ it ɛn klos fɔ wɛr nɔmɔ, wi fɔ satisfay.

Di Sam Dɛm 147:14

I de mek pis de na di kɔntri ɛn ɔlman de gɛt wetin fɔ it.

Prɔvabs 30:8

wan, nɔ mek a ɛva lay; tu nɔ mek a po da bad bad po ɔ jɛntri bad bad wan; gi mi wetin jɛs du nɔmɔ fɔ mi;

Ruth 1:5

we Malɔn ɛn Kiliɔn day, di uman lɔs in tu bɔypikin ɛn in man.

Ruth 1:7

So in ɛn in tu dɔtɛnlɔ kɔmɔt usay dɛn bin de ɛn lɛf fɔ go bak na Juda.

Di Sam Dɛm 102:14

Yu pipul lɛk di siti pan ɔl we ɔltin dɔn pwɛl; dɛn de sɔri fɔ am as i tan lɛk bɛtɛ nɔ de so dɛn de fil am we in ston dɛn dɔn brok brok de na grɔn lɛk dɔti.

Joɛl 2:19

PAPA GƆD ansa dɛn ɛn tɛl dɛn se in de gi dɛn sid, wayn, ɛn ɔyl, ɛn dat go mek dɛn satisfay mɔ; i se in nɔ go mek dɛn ɔda neshɔn luk dɛn ɛn sɔktit igen