Ruth 1:20 - Krio Fɔs Oli Baybul

²⁰ Naomi tɛl dɛn se dɛn nɔ fɔ kɔl am Naomi igen, we min se i gladi, dɛn fɔ kɔl am Mara bikɔs in layf bita. PAPA GƆD Ɔlmayti nɔ mek i gladi igen

Ruth 1:20 Referans Kwoze

Job 6:4

PAPA GƆD in aro dɔn chuk mi; di pɔyzin dɔn sok insay mi bɔdi; PAPA GƆD dɔn rɛdi fɔ sho mi pɛpɛ.

Di Ibru Pipul Dɛn 12:11

Di tɛm we dɛn kin pɔnish wi, wi nɔ kin gladi, wi kin sɔri. Bɔt tɛm de kam we da pɔnish de go ɛp di wan dɛn we dɛn pɔnish, bikɔs i go mek dɛn lan fɔ du wetin rayt. I go mek dɛn waka tret na layf ɛn de kwayɛt wit dɛn kɔmpin mɔtalman.

Ayzaya 38:13

A de ala lɛ dɛn ɛp mi, te do klin; i brok ɔl mi bon dɛn lɛk we layɔn de brok pɔsin bon; frɔm mɔnin to nɛt, yu de kil mi smɔl smɔl.

Di Sam Dɛm 88:15

Frɔm we mi na bɔbɔ, nain a dɔn de pas sɔntin; i tumɔs fɔ mi ɛn a nɔ ebul bia igen

Di Sam Dɛm 73:14

Ol de, a de sɔfa lɛk udat du bad. Ɛvri mɔnin, a de si trɔbul.

Job 19:6

no se na PAPA GƆD mek ɔl dis de apin; i dɔn kech mi nain trap.

Job 5:17

Na tru se i go fayn fɔ di man we PAPA GƆD de kɔrɛkt, so pɔsin nɔ fɔ vɛks pan PAPA GƆD Ɔlmayti if i de kɔrɛkt am.

Job 11:7

Pɔsin nɔ ebul fɔ ɔndastand PAPA GƆD. Yu nɔ go ebul fɔ no aw PAPA GƆD Ɔlmayti de wok.

Ɛksodɔs 6:3

A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Jɛnɛsis 43:14

ɛn pre mek PAPA GƆD Ɔlmayti mek di man sɔri fɔ dɛn, ɛn lɛ i mek Bɛnjamin ɛn dɛn ɔda brɔda kam bak wit dɛn. I se as fɔ in di Izrɛl, if na so in fɔ lɔs in pikin dɛn, lɛ i bi so.

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Ɛksodɔs 15:23

Wɛn dɛn rich na Mara, dɛn nɔ bin ebul fɔ drink di wata we de de bikɔs i bin tu bita. Dɛn gi da ples de nem Mara bikɔs in wata bin bita.

Job 9:18

i nɔ de gi mi bloblo, na sɔfa nɔmɔ a de sɔfa.