Ruth 1:17 - Krio Fɔs Oli Baybul

¹⁷ i se na usay Naomi day na de insɛf go day ɛn na de dɛn go bɛr am. I swɛ se mek PAPA GƆD pɔnish am if i nɔ du wetin i se.

Ruth 1:17 Referans Kwoze

1 Samiɛl 3:17

Ilaɛl se, “Wetin PAPA GƆD tɛl yu? Nɔ ayd am frɔm mi. Lɛ PAPA GƆD mek wetin fɔ mit mi, mit yu if yu ayd ɛnitin pan mi.”

2 Kiŋ 6:31

So i swɛ se lɛ PAPA GƆD kil am if in nɔ kɔt Shafat in bɔypikin we na Ilaɛlsha in ed kɔmɔt da de de.

1 Kiŋ 2:23

Kiŋ Sɔlɔmɔn swɛ to PAPA GƆD se if in nɔ dil wit Adonayja gud ɛn prɔpa wan ɛn kil am, lɛ PAPA GƆD mek i alaki.

2 Samiɛl 19:13

Dɛn bak Devid tɛl dɛn fɔ tɛl Amasa se dɛn ɔltu na fambul ɛn se mek PAPA GƆD lɛ i alaki if i nɔ lɛ Amasa tek Joab in ples as kɔmanda nain ami.

1 Kiŋ 20:10

Na de Bɛnadad sɛn ɔda mɛsej to am se lɛ in gɔd dɛn pɔnish am bad bad wan if in lɛf dɔti na di grɔn sɛf na Sameria.

1 Samiɛl 25:22

I bin se mek PAPA GƆD dil wit am, if bay mɔnin i nɔ dɔnawe wit ɔl di man dɛn na Nebal in os.

2 Samiɛl 3:35

Ɔlman kam fɔ koks Devid fɔ put sɔntin nain bɛlɛ bɔt Devid swɛ se in nɔ go it natin te ivintɛm. I se if i it ɛnitin, lɛ PAPA GƆD mek i alaki.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

1 Kiŋ 19:2

Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.

2 Samiɛl 3:9

I se mek PAPA GƆD lɛ i alaki if in nɔ go go ɛp Devid fɔ bi wetin PAPA GƆD bin dɔn swɛ se i go bi.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Ruth 1:16

Ruth beg am mek i nɔ fos am fɔ tɔn bak bikɔs na usay in go, insɛf go go, usay i tap insɛf go tap, in pipul go bi insɛf yon pipul ɛn na di PAPA GƆD we i de wɔship insɛf go wɔship;

Ruth 4:15

Dɛn se nain go mek Naomi gɛt layf bak ɛn nain go mek i go rɔju bikɔs nain dɔtɛnlɔ we lɛk am bad lɛk aw sɛvin bɔypikin go lɛk am, nain bɔn am.

1 Samiɛl 14:44

Sɔl se mek in sɔfa if in nɔ mek Jonɛthan day.

1 Samiɛl 20:13

I se wɛda i gladi wit Devid ɔ if i want fɔ du Devid bad, i mɔs sɛn tɛl Devid ɔ nɔ so mek PAPA GƆD lɛ i alaki if i nɔ lɛ Devid rɔnawe saful. I se mek PAPA GƆD de wit yu as I bin de wit mi papa.

2 Samiɛl 15:21

Bɔt Itay se wans PAPA GƆD de ɛn Kiŋ Devid nɔ day yet, in go de wit Devid ivin if i min se i gɛt fɔ day fɔ dat.

1 Kiŋ 13:31

Wɛn i dɔn bɛr am dɔn, i tɛl in bɔypikin dɛn se wɛn in day, nainsay da sem grev de dɛn fɔ bɛr am, dat na usay i bɛr di prɔfɛt. I se dɛn fɔ le in dedebɔdi nia di man in yon.

Di Sam Dɛm 45:10

Mi pikin, lisin to mi; naw we yu dɔn mared to di Kiŋ, na wi gɛt yu, yu nɔto yu papa ɛn yu pipul yon igen o.