Ruth 1:16 - Krio Fɔs Oli Baybul

¹⁶ Ruth beg am mek i nɔ fos am fɔ tɔn bak bikɔs na usay in go, insɛf go go, usay i tap insɛf go tap, in pipul go bi insɛf yon pipul ɛn na di PAPA GƆD we i de wɔship insɛf go wɔship;

Ruth 1:16 Referans Kwoze

2 Samiɛl 15:21

Bɔt Itay se wans PAPA GƆD de ɛn Kiŋ Devid nɔ day yet, in go de wit Devid ivin if i min se i gɛt fɔ day fɔ dat.

Di Sam Dɛm 45:10

Mi pikin, lisin to mi; naw we yu dɔn mared to di Kiŋ, na wi gɛt yu, yu nɔto yu papa ɛn yu pipul yon igen o.

Matyu 8:19

Wan Ju Lɔ ticha kam mit am ɛn se, “Ticha, a dɔn rɛdi fɔ fala yu go ɛni say we yu de go.”

Jɔn 13:37

Pita aks Jizɔs igen se, “Masta, wetindu wi nɔ kin fala yu go de naw? A rɛdi fɔ day fɔ yu!”

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Jɔshwa 24:18

PAPA GƆD we pul di Amɔrayt dɛn kɔmɔt na di land ɛn gi dɛn nain dɛn go kɔmɔt biɛn? PAPA GƆD fɔbid! PAPA GƆD we dɔn du ɔl dɛn tin dɛn de fɔ dɛn nain na dɛn PAPA GƆD so nain dɛn go sav.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Daniɛl 3:29

So a de pas wan lɔ: if ɛni pipul, neshɔn ɔ ɔl pan di wan dɛn we de tɔk difrɛn difrɛn laŋwej, tɔk ɛnitin bad bɔt Shedrak, Mishak ɛn Abɛdnigo dɛn PAPA GƆD, dɛn go chɛr chɛr dɛn an ɛn fut wan bay wan, ɛn dɛn go brok dɛn os kan dɔŋ kpatakpata, bikɔs nɔn ɔda gɔd nɔ de we ebul fɔ sev pɔsin dis kayn we ya!”

Ruth 1:15

Naomi tɛl Ruth se mek i fala in sistɛnlɔ as in dɔn go bak to in pipul dɛn ɛn di gɔd dɛn we dɛn de wɔship.

Ruth 1:17

i se na usay Naomi day na de insɛf go day ɛn na de dɛn go bɛr am. I swɛ se mek PAPA GƆD pɔnish am if i nɔ du wetin i se.

Ruth 4:15

Dɛn se nain go mek Naomi gɛt layf bak ɛn nain go mek i go rɔju bikɔs nain dɔtɛnlɔ we lɛk am bad lɛk aw sɛvin bɔypikin go lɛk am, nain bɔn am.

Prɔvabs 17:17

If padi dɛn de sho lɔv ɔltɛm, wetin fɔ mek blɔd brɔda dɛn nɔ ɛp dɛn kɔmpin pan prɔblɛm?

Ruth 2:6

Di man tɛl am se na di Moabayt uman dat we fala Naomi tɔn bak we i kɔmɔt na Moab.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.