Ruth 1:1 - Krio Fɔs Oli Baybul

¹ Di tɛm we na Jɔj dɛn bin de rul Izrɛl, aŋri bin de na di land. Wan man we kɔmɔt Bɛtliɛm insay Juda muf go tap na Moab fɔs wit in wɛf ɛn in tu bɔypikin.

Ruth 1:1 Referans Kwoze

Jɛnɛsis 12:10

It nɔ bin bɔku na Kenan so aŋri bin de. Di aŋri bin so mɔna dat Ebram muf fɔs go tap na Ijipt.

Jɛnɛsis 26:1

Aŋri bin de na di kɔntri bak afta da wan we bin de Ebraam in tɛm. So, Ayzak muf go tap na Gɛra usay Abimɛlɛk, di Filistin dɛn kiŋ bin de.

Izikɛl 14:13

“Mɔtalman, wɛn wan kɔntri kɔmit sin to mi, bay we dɛn nɔ bin de du tin ɛn nɔ biliv mi, ɛn a dil wit dɛn ɛn mek dɛn nɔ gɛt natin fɔ it, ɛn a go sɛn bad bad aŋri pan am; ɛn a go mek nɔn mɔtalman ɔ animal nɔ tap de,

Di Jɔj Dɛm 17:8

Dis man lɛf Bɛtliɛm siti we de na Juda fɔ go tap ɔda say we i go ebul fɛn ples. So i ol rod. Nain i rich na Mayka in os na Ifrem na di il kɔntri.

Lɛvitikɔs 26:19

ɛn di gbiŋbin we dɛn de mek fɔ dɛn pawa dɔn, ɛn PAPA GƆD nɔ go mek ren kam we go mek di land bia tin fɔ it. Dɛn ɔl go traŋa lɛk ayɛn;

Jɛnɛsis 43:1

Di aŋri bin dɔn traŋa na Kenan

Emɔs 4:6

“A mek aŋri de na ɔl dɛn siti. A nɔ mek wan sid rɛs sɛf de fɔ it, pan ɔl dat, una nɔ klɔk mi.

Di Sam Dɛm 105:16

PAPA GƆD mek bad bad aŋri fɔdɔm na Kenan we mek dɛn nɔ gɛt natin fɔ it;

Ditarɔnɔmi 28:38

Lokɔs go it ɔl wetin dɛn plant na dɛn fam dɛn.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Jɛrimaya 14:1

PAPA GƆD in wɔd we rich Jɛrimaya kɔnsanin di drawt:

Di Sam Dɛm 107:34

ɛn usay tik kin gro fayn, in mek natin nɔ bia de, bikɔs di pipul we tap rawnd de bad.

1 Kiŋ 18:2

Ilayja insɛf go sho insɛf to Eab. It biznɛs bin dɔn traŋa bad, bad wan na Sameria,

Di Jɔj Dɛm 12:8

Afta Jɛftha, na Ibzan we kɔmɔt Bɛtliɛm bi lida na Izrɛl.

2 Samiɛl 21:1

Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.

Di Jɔj Dɛm 17:7

So, wan yɔŋ man bin tap na Bɛtliɛm we de na Juda. I kɔmɔt na di Juda fambul ɛn na bin Livayt.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

1 Kronikuls 2:51

Salma we na Bɛtliɛm in papa, ɛn Araf we na Bɛtgada in papa.

1 Kronikuls 2:54

Salma in bɔypikin dɛm: Bɛtliɛm, di Nɛtofatayt dɛm, Atrɔ Bɛt Joab, ɛn af pan di Mantayt ɛn di Zorayt dɛm.