Lɛta Fɔ Rom 9:9 - Krio Fɔs Oli Baybul

⁹ Di wɔd we Gɔd tɔk wɛn i bin de prɔmis Ebraam, nain dis: “Wɛn di rayt tɛm rich, a go kam bak to yu, ɛn yu wɛf, Sera, go bɔn bɔy pikin.”

Lɛta Fɔ Rom 9:9 Referans Kwoze

Jɛnɛsis 18:10

Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.” Sera bin tinap biɛn di tɛnt in domɔt, de lisin.

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Jɛnɛsis 17:21

Bɔt mi Kɔvinant go bi wit yu bɔypikin Ayzak, we Sera gɛt fɔ bɔn dis sem tɛm nɛks ia.”

Jɛnɛsis 21:2

I gɛt bɛlɛ ɛn bɔn bɔypikin fɔ Ebraam we Ebraam bin dɔn ol. Di bɔbɔ bɔn di tɛm we PAPA GƆD bin dɔn tɛl Ebraam se i go bɔn.

Di Ibru Pipul Dɛn 11:17

Na bikɔs Ebraam bin biliv Gɔd, mek, wɛn Gɔd tɛst am, i gri fɔ tek Ayzak, we na bin in wangren pikin, fɔ sakrifays am to Gɔd. Ebraam bin go fɔ sakrifays Ayzak pan ɔl we Gɔd bin dɔn prɔmis Ebraam

Apɔsul Dɛn Wok 5:38

Na ɔl dis mek a de wɔn una naw mek una nɔ ambɔg dɛn man ya, una lɛf dɛn, bikɔs ɔl wetin dɛn mekɔp ɛn di wok we dɛn de du, go pwɛl, if nɔto Gɔd sɛn dɛn.