Lɛta Fɔ Rom 9:8 - Krio Fɔs Oli Baybul

⁸ Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

Lɛta Fɔ Rom 9:8 Referans Kwoze

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Lɛta Fɔ Rom 8:14

Dɛn pipul we de du wetin Gɔd in Spirit tɛl dɛn fɔ du, na Gɔd in pikin dɛn.

Di Sam Dɛm 87:6

Wɛn PAPA GƆD de mek rɛjista bɔt ɔl udat bɔn na Jerusɛlɛm, i go mɔs put dɛn nem de.

Di Sam Dɛm 22:30

Di pikin dɛn we nɔ bɔn yet go wɔship am Dɛn go tɛl dɛn ɔl aw PAPA GƆD de sev in pipul.

Jɛnɛsis 31:15

Infakt i de luk wi lɛkɛ trenja? I dɔn sɛl wi, ɛn i dɔn pwɛl ɔl di mɔni we dɛn tek bay wi.

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Matyu 3:9

Una nɔ fɔ fil se, we Ebraam na una grampapa papa dat go mek Gɔd nɔ pɔnish una. A de tɛl una se Gɔd kin tek dɛn ston ya sɛf tɔn dɛn to Ebraam in grampikin pikin dɛm!

Lɛta Fɔ Rom 8:16

Gɔd in Spirit wit wi yon spirit de tɔk di sem tin se wi na Gɔd in pikin dɛn.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Di Ibru Pipul Dɛn 11:11

Na bikɔs Ebraam bin biliv Gɔd, mek, ilɛk sɛf we in ɛn Sera bin dɔn ol, dɛn ebul bɔn pikin. Ebraam bin biliv se Gɔd na Gɔd we de du wetin i dɔn prɔmis.