Lɛta Fɔ Rom 9:7 - Krio Fɔs Oli Baybul

⁷ nɔto ɔl dɛn pikin we na Ebraam in grampikin pikin dɛm na dɛn wan we Gɔd bin prɔmis Ebraam. Gɔd prɔmis Ebraam sɔntin, i se, “Na Ayzak in grampikin pikin dɛm nɔmɔ go bi yu yon.”

Lɛta Fɔ Rom 9:7 Referans Kwoze

Jɛnɛsis 21:12

Bɔt PAPA GƆD tɛl Ebraam se, mek in nɔ wɔri bɔt di pikin ɛn in mama Ega. PAPA GƆD se mek i du ɛnitin we Sera se, bikɔs na frɔm Ayzak i go gɛt di jɛnareshɔn dɛn we in bin dɔn prɔmis.

Di Ibru Pipul Dɛn 11:18

se, na Ayzak go bɔn plɛnti pikin dɛn we go bi in grampikin pikin dɛm.

Lɛta Fɔ Galeshya 4:23

Di uman we bin de wok fɔ Ebraam in wɛf bin gɛt bɛlɛ ɛn bɔn bɔy pikin lɛkɛ aw uman kin bɔn pikin, bɔt di pikin we Ebraam in wɛf bɔn, i bɔn am bikɔs Gɔd bin dɔn prɔmis Ebraam da pikin de.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lyuk 3:8

Una fɔ lɛf fɔ du dɛn tin we nɔ rayt na Gɔd yay ɛn du dɛn tin we go sho se una dɔn lɛf fɔ du dɛn. Una lɛf fɔ se, ‘Wi na Ebraam in grampikin pikin dɛm.’ Dat nɔ go sev una. A de tɛl una se Gɔd ebul fɔ tek pan dɛn ston ya ɛn tɔn dɛn to Ebraam in grampikin pikin dɛm.

Jɔn 8:33

Dɛn ansa Jizɔs se, “Wi na Ebraam in grampikin pikin dɛm, ɛn wande wi nɔ bi slev; so, wetin yu min we yu se, ‘Una go fri?’”

Lyuk 16:30

Di jɛntri man se, ‘Papa Ebraam, dɛn nɔ go lisin dɛn; bɔt if pɔsin kɔmɔt na di say we dɛn dayman de, go tɔk to dɛn, dɛn go tap fɔ du di bad tin dɛn we dɛn de du.’

Matyu 3:9

Una nɔ fɔ fil se, we Ebraam na una grampapa papa dat go mek Gɔd nɔ pɔnish una. A de tɛl una se Gɔd kin tek dɛn ston ya sɛf tɔn dɛn to Ebraam in grampikin pikin dɛm!

Lɛta Fɔ Galeshya 4:28

Mi kɔmpin Kristiɛn dɛn, una na Gɔd in pikin dɛn bikɔs na dat i bin dɔn prɔmis, lɛkɛ aw Ayzak bi Ebraam in pikin, bikɔs na dat Gɔd bin dɔn prɔmis.