Lɛta Fɔ Rom 9:5 - Krio Fɔs Oli Baybul

⁵ Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Lɛta Fɔ Rom 9:5 Referans Kwoze

Lɛta Fɔ Rom 1:25

Dɛn pipul ya nɔ gri fɔ biliv di tru wɔd bɔt Gɔd, dɛn biliv wetin nɔ tru; dɛn de pre to dɛn tin we Gɔd mek ɛn rɛspɛkt dɛn, bɔt dɛn nɔ de pre to Gɔd we mek ɔltin ɛn rɛspɛkt am, ɛn na Gɔd wi fɔ prez sote go! Emɛn.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Jɔn 10:30

Mi ɛn mi Papa na wan.”

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Lɛta Fɔ Rom 1:3

Dis Gud Nyuz ya tɔk bɔt Gɔd in Pikin we na wi Masta Jizɔs Krays. Wɛn di Pikin na bin mɔtalman na bin wan pan Devid in grampikin pikin dɛm;

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Ayzaya 11:1

Smɔl plant go bɔs kɔmɔt na Jɛsi in af tik we lɛf na grɔn, ɛn branch go gro kɔmɔt nain rut.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

2 Kɔrint 11:31

Gɔd, we na Masta Jizɔs in Papa, no se a nɔ de lay. Mek ɔlman prez Masta Jizɔs in nem sote go!

Lɛta Fɔ Rom 11:28

Bikɔs di Ju dɛn tɔn dɛn bak pan di Gud Nyuz, dɛn na pipul we nɔ lɛk Gɔd, ɛn di et we dɛn et di Gud Nyuz dɔn mek Gɔd ɛp una we nɔto Ju. Bɔt bikɔs Gɔd bin dɔn pik di Ju pipul dɛn, dɛn nain padi dɛn bikɔs i bin dɔn prɔmis Ebraam, Ayzak ɛn Jekɔb se dɛn grampikin pikin dɛn go bi in padi dɛn sote go.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Di Sam Dɛm 106:48

Una lɛ wi prez PAPA GƆD, di waŋren PAPA GƆD we Izrɛl gɛt in na di PAPA GƆD we go de sote go. Mek ɔlman ansa se “Emɛn.” Una lɛ wi prez PAPA GƆD!

Di Sam Dɛm 103:19

PAPA GƆD dɔn mek in ay chia usay kiŋ kin sidɔm de na ɛvin, ɛn na de i de de fɔ rul di wanol wɔl.

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Di Sam Dɛm 45:6

We PAPA GƆD dɔn put yu fɔ rul, i tan lɛk nainsɛf de rul na fɔ sote go; yu dɔn de rul yu pipul fia wan ɛn di tik sɛf we yu de ol de sho dat.

Di Sam Dɛm 41:13

Prez PAPA GƆD we na Izrɛl dɛn PAPA GƆD, i de as PAPA GƆD sote go Emɛn! Emɛn!

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Sɛkɛn Lɛta To Timoti 2:8

Mɛmba Jizɔs Krays, we Gɔd mek rayz frɔm di grev, we kɔmɔt na Devid in fambul layn, ɛn we a de tɔk bɔt wɛn a de tɛl pipul di Gud Nyuz.

Fɔs Lɛta To Timoti 6:15

Gɔd we na di wangren Rula we gɛt prez, di Kiŋ fɔ ɔl dɛn kiŋ, di Masta fɔ ɔl dɛn masta go mek pipul si Krays wɛn di rayt tɛm rich.

1 Kɔrint 14:16

Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Di Sam Dɛm 89:52

Lɛ wi prez PAPA GƆD sote go. Emɛn, ɛn Emɛn.

1 Kronikuls 16:36

Lɛ wi blɛs PAPA GƆD we na Izrɛl dɛn Gɔd, sote go to sote go!” Dɔn ɔl di pipul dɛn se, “Emɛn! Ɛn prez PAPA GƆD.

1 Kiŋ 1:36

Bɛnaya, dat na Jɛoyada in bɔypikin ansa di kiŋ se in go du wetin i se. I se mek PAPA GƆD we na di kiŋ in PAPA GƆD ansa wetin i dɔn se so.

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Jɛrimaya 28:6

Jɛrimaya we na prɔfɛt mɔk am ɛn se, “Emɛn! Lɛ PAPA GƆD du am; lɛ PAPA GƆD mek wetin yu dɔn prɔfisay, bi, ɛn mek i briŋ ɔl di tin dɛn fɔ yuz na PAPA GƆD in os ɛn ɔl dɛn wan dɛn we dɛn kɛr go ɛgzayl na Babilɔn, kam bak na ya.

Ditarɔnɔmi 10:15

Mozis se pan ɔl dat PAPA GƆD put in at to Izrɛl dɛn fɔstɛm-papa dɛn ɛn pik dɛn jɛnareshɔn fɔ bi in yon pipul, ɛn tek dɛn pas ɔl ɔda pipul dɛn, frɔm da de de.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Jɛnɛsis 12:3

A go blɛs dɛn wan dɛn we go blɛs yu, ɛn swɛ udat go swɛ yu. Na yu go mek dɛn neshɔn na wɔl gɛt dɛn blɛsin.”

Apɔsul Dɛn Wok 3:13

Na di Gɔd we wi grampapa papa dɛn, Ebraam, Ayzak, ɛn Jekɔb bin de pre to, na dis sem Gɔd dɔn gi Jizɔs we nain savant, di pawa fɔ mɛn dis man. Wɛn una bin kɛr Jizɔs go bifo Paylet ɛn Paylet bin want mek Jizɔs fri, una bin tɔk bad bɔt am.

Di Ibru Pipul Dɛn 7:24

Bɔt Jizɔs difrɛn, i nɔ de day, in layf de sote go. I nɔ de lɛf in wok we na fɔ mek sakrifays fɔ pipul sin, gi ɔda pɔsin.

Lyuk 20:44

If Devid kɔl am Masta, aw i go bi wan pan in granpikin pikin dɛn?”