Lɛta Fɔ Rom 9:4 - Krio Fɔs Oli Baybul

⁴ Di Ju pipul dɛn na di pipul we Gɔd dɔn pik; i dɔn mek dɛn bi in pikin dɛn ɛn mek dɛn waka na di wɔndaful layt we i de; i mek plɛnti agrimɛnt wit dɛn ɛn gi dɛn di Lɔ; Gɔd dɔn sho dɛn di rayt we we dɛn fɔ pre to am; dɛn dɔn gɛt ɔltin we Gɔd prɔmis dɛn.

Lɛta Fɔ Rom 9:4 Referans Kwoze

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Di Sam Dɛm 147:19

I dɔn gi in pipul ɔl in lɔ, ɛn tɛl dɛn wetin fɔ du ɛn aw fɔ du am.

Lɛta Fɔ Rom 9:6

A nɔ de tɛl una se Gɔd nɔ du wetin i bin dɔn prɔmis fɔ du. Gɔd du wetin i bin dɔn prɔmis fɔ du bikɔs nɔto ɔl dɛn pipul we Gɔd pik na Ju pipul;

Jɛnɛsis 17:2

A go mek Kɔvinant wit yu ɛn a go gi yu bɔku gret grampikin.”

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Ɛksodɔs 4:22

Mozis fɔ tɛl di kiŋ se di Izrɛlayt dɛn tan lɛkɛ PAPA GƆD in fɔs-bɔy-pikin,

Di Ibru Pipul Dɛn 9:1

Wɛn Gɔd bin mek di fɔs agrimɛnt wit mɔtalman, di agrimɛnt bin gɛt plɛnti lɔ bɔt aw pipul fɔ pre to Gɔd. Ples bin de we mɔtalman bil fɔ pre to Gɔd.

Di Sam Dɛm 89:3

PAPA GƆD yu se, yu dɔn mek Kɔvinant wit yu savant, Devid, we yu bin dɔn pik ɛn swɛ se yu go de wit am te go.

1 Kiŋ 8:11

dat mek di man dɛn nɔ ebul fɔ du dɛn wok. PAPA GƆD in glori ful-ɔp di wanol os.

Lɛta Fɔ Rom 8:15

Di Spirit we Gɔd gi una nɔ mek una bi slev ɛn i nɔ de mek una fred, bɔt i mek una bi Gɔd in pikin dɛn ɛn nain de mek wi se, “Papa, mi Papa,” we wi de kɔl Gɔd.

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Di Ibru Pipul Dɛn 9:3

Wɛn yu pas di sɛkɛn big tik kɔtin, wan ɔda pat bin de we dɛn kɔl “Di ples we Gɔd de pas ɛni ɔda ples.”

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Matyu 21:33

“Una yɛri dis ɔda parebul. Wan man bin de we gɛt grɔn, i plant wan kayn tin we nem grepvayn, i mek ston wɔl rawnd am ɛn dig dip ol fɔ mek wayn wit di greps, dɔn i bil wan ples ɔp di wɔl we pɔsin go sidɔm fɔ wach di gadin. I rɛnt di gadin gi sɔm pipul, dɔn i go patrol na ɔda kɔntri.

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Jɛrimaya 31:20

Na Ifrem na mi bɔypikin we we a lɛk? Naim na mi pikin we a lɛk bad bad wan? Bikɔs, ɔltɛm we a de tɔk bad bɔt am, A stil de mɛmba am. Fɔseka dat, mi at stil de fil fɔ am; A go sɔri fɔ am fɔ tru tru. Na so PAPA GƆD se.

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Ayzaya 60:19

Dis san nɔ go gi yu layt igen de tɛm, fɔ mek di ples brayt di mun sɛf nɔ go sho yu layt na nɛt; bɔt na PAPA GƆD go bi yu layt we go las sote go, ɛn yu Gɔd go bi yu glori.

Ayzaya 46:3

Lisin mi, una Jekɔb in os, ɔl di wan dɛn we lɛf pan Izrɛl in pipul dɛn, we na mi dɔn bɔn una frɔm we una bɔn, bɔn una frɔm una mami bɛlɛ;

Ayzaya 41:8

Bɔt yu Izrɛl, we na mi wokman, Jekɔb we a dɔn pik, dɛn na Ebram we na mi padi, in pikin dɛm;

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Di Sam Dɛm 90:16

Sho yu savant dɛn di big wok we yu kin du ɛn dɛn pikin we gɛt fɔ bɔn, aw yu gud.

Di Sam Dɛm 89:34

I se, in nɔ go mek di Kɔvinant we i bin dɔn mek, pwɛl ɛn i nɔ go pit, i lik am.

Di Sam Dɛm 78:61

I gri fɔ lɛ dɛn kapchɔ di bɔks usay dɛn bin kip wetin i rayt ɛn mek Kɔvinant wit in pipul; di tin we de sho aw i gɛt pawa, i sɛl am to di ɛnimi dɛn.

Di Sam Dɛm 73:1

Fɔ tru, tru, PAPA GƆD gud to Izrɛl, ɛn ɔl udat de fala am wit ɔl in at.

Di Sam Dɛm 63:2

A dɔn si yu na yu os, na de a ebul si yu pawa ɛn glori

Nɛimaya 13:29

PAPA GƆD, duya, mɔs mɛmba se na dɛn man ya we de mek sakrifays fɔ pipul sin pwɛl wetin dɛn bin dɔn swɛ se dɛn go du, dɛn wok ɛn dɛn Livayt dɛn.

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Ditarɔnɔmi 29:14

Mozis se, nɔto wit dɛn nɔmɔ we bin de de PAPA GƆD bin mek di Kɔvinant,

Ditarɔnɔmi 29:1

Apat frɔm di Kɔvinant we Izrɛl dɛn bin dɔn mek wit PAPA GƆD na Mawnt Saynay, PAPA GƆD bin tɛl Mozis fɔ mek di Izrɛlayt dɛn mek frɛsh wan wit am na Moab. Na dɛn tin dɛn ya Mozis bin tɛl dɛn se dɛn fɔ de du we dɛn mek di sɛkɛn Kɔvinant wit PAPA GƆD.

Di Nɔmba Dɛm 7:89

Wɛn Mozis go insay di Tɛnt usay dɛn kin mit PAPA GƆD fɔ go tɔk to PAPA GƆD; i yɛri we di vɔys de tɔk to am bɔt di vɔys bin de kɔmɔt midul di say we di kɔba fɔ di ak ɔf di Kɔvinant de to usay di tu chɛryubim dɛn de.

Ɛksodɔs 40:34

PAPA GƆD apia lɛkɛ klawd we tan lɛkɛ fɔg oba di Tɛnt. I kɔba di wanol ples.

Ɛksodɔs 34:27

PAPA GƆD tɔk to Mozis. I se, “Rayt ɔl wetin a dɔn tɛl yu so, bikɔs na ɔl wetin a dɔn tɔk so a de yuz fɔ sayn Kɔvinant wit yu ɛn di Izrɛlayt pipul dɛn.

Ɛksodɔs 12:25

Wɛn una go na di land we PAPA GƆD dɔn prɔmis fɔ gi una, una fɔ kɔntinyu fɔ sɛlibret dis fɛstival.

Jɛnɛsis 32:28

Nain di man tɛl am se in nɔ go nem Jekɔb igen In nem naw na Izrɛl bikɔs i dɔn chalenj wit PAPA GƆD ɛn mɔtalman, ɛn i dɔn win.

Jɛnɛsis 17:10

Una yon pat we una fɔ kip pan di Kɔvinant na dat ɔl di man dɛn fɔ sakɔmsayz.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Lɛta Fɔ Rom 3:2

A go ansa se dat gɛt plɛnti bɛnifit fɔ dɛn. Fɔst ɔf ɔl, na to di Ju dɛn Gɔd sɛn in mɛsej fɔ mek dɛn biliv pan am ɛn tɛl ɔda pipul.

Ditarɔnɔmi 4:13

I mɛmba dɛn se PAPA GƆD bin mek Kɔvinant wit dɛn ɛn gi dɛn di Tɛn Kɔmandmɛnt we i bin rayt na tu ston tablɛt ɛn bin se dɛn fɔ du ɔl wetin i rayt de.

Izikɛl 1:28

Di braytnɛs we bin de rawnd am bin tan lɛk rembo we kin de na di klawd we ren kɔt. Na so i fiba lɛk we PAPA GƆD in glori kin apia. We a si am, a butu na grɔn, ɛn a yɛri vɔys de tɔk.

2 Kɔrint 11:22

If dɛn na Ibru, misɛf na Ibru. If dɛn na Izrɛl pipul, misɛf na Izrɛl pɔsin. If dɛn na Ebraam in grampikin pikin dɛm, misɛf na Ebraam in grampikin pikin.

Lɛta Fɔ Galeshya 3:16

Una fɔ mɛmba se, Gɔd bin dɔn mek prɔmis to Ebraam ɛn in grampikin pikin plɛnti tɛm. Wɛn wi si “Ebraam in grampikin pikin” na Gɔd in Buk, dat min se Gɔd nɔ bin de tɔk bɔt plɛnti pipul, i bin de tɔk bɔt wan pɔsin, ɛn da pɔsin de na Krays.

Di Ibru Pipul Dɛn 9:5

Oba di bɔks dɛn bin gɛt sɔm krichɔ we gɛt fɛda fɔ sho pipul se Gɔd de na da ples de. Di krichɔ dɛn fɛda kɔba Gɔd in chia we i sidɔm fɔ padin pipul dɛn sin. Bɔt nɔto naw wi go ɛksplen ɔl dɛn tin ya to una gud.

Di Ibru Pipul Dɛn 9:6

Afta dɛn dɔn rɛdi di ples lɛkɛ dat, di man dɛn we bin de mek sakrifays fɔ pipul sin kin go insay di fɔs ples ɔltɛm we dɛn de go du Gɔd in wok.