Lɛta Fɔ Rom 9:3 - Krio Fɔs Oli Baybul

³ a de tɔk bɔt dɛn pipul we wi ɔl na Ju. If a bin go ɛp dɛn, a bin fɔ wish mek Gɔd kɔndɛm misɛf ɛn mek a nɔ bi Krays yon pɔsin igen.

Lɛta Fɔ Rom 9:3 Referans Kwoze

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Ɛsta 8:6

Aw a go sidɔm de luk wetin de bi to mi pipul dɛn? Ɛn uskayn bia a go bia fɔ si we mi pipul dɛn de day?”

Lɛta Fɔ Rom 11:14

Sɔntɛm, we a de du dat, a go mek mi yon Ju kɔntri man dɛn jɛlɔs una, so da we de a kin mek Gɔd sev sɔm pan dɛn.

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Lɛta Fɔ Galeshya 1:8

Bɔt ilɛksɛf na wi ɔ na enjɛl dɛnsɛf we kɔmɔt ɛvin kam tɛl una wɔd we nɔto di sem wɔd we wi bin dɔn tɛl una, mek Gɔd mek ɛnibɔdi we du dat sɔfa na ɛl.

1 Kɔrint 12:3

Una fɔ no se ɛnibɔdi we Gɔd in Spirit de kɔntrol nɔ go tɔk bad bɔt Jizɔs! Ɛn nɔbɔdi nɔ go ebul tɔk se Jizɔs na di Masta pas Gɔd in Spirit de insay am.

Lɛta Fɔ Rom 11:1

So mek a aks una sɔntin: Gɔd bin se i nɔ want in yon pipul dɛn igen? I nɔ tɔk dat! Misɛf na Ju we kɔmɔt Izrɛl, Ebraam na mi grampapa papa ɛn na Bɛnjamin in fambul a kɔmɔt.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

1 Samiɛl 14:44

Sɔl se mek in sɔfa if in nɔ mek Jonɛthan day.

1 Samiɛl 14:24

Di man dɛn na Izrɛl nɔ bin gladi da de de bikɔs Sɔl mek dɛn swɛ se te i dɔn dil wit in ɛnimi dɛn bifo dɛn it ɔ nɔ so dɛn go alaki. So nɔn sojaman nɔ tes it.

Ditarɔnɔmi 21:23

in de dedebɔdi nɔ fɔ de na di tik te di nɛks de. I se dɛn fɔ bɛr am di sem de lɛ dɛn nɔ mek swɛ go na di land we PAPA GƆD we na dɛn PAPA GƆD gi dɛn, bikɔs PAPA GƆD put swɛ pan dayman we ɛŋ na tik.

Jɛnɛsis 29:14

We Leban yɛri Jekɔb in stori, i tɔk se, fɔ tru tru na mi yon blɔd dis. So Jekɔb bin tap de fɔ wan mɔnt.

2 Samiɛl 18:33

Dat shek di kiŋ. I go ɔp na di rum we de to di get ɛn kray. As i de go, na so i de se “E mi pikin, Absalɔm, a wish na mi bin fɔ day! Noto yu fɔ day, mi pikin, Absalɔm.”

Apɔsul Dɛn Wok 22:5

Di bigman we de mek sakrifays fɔ pipul sin ɛn ɔl di bigman dɛn na di Ju gran kot kin tɛl una se na tru a de tɔk. Dɛn bin gi mi lɛta fɔ kɛr go gi mi Ju brɔda dɛn na Damaskɔs. A bin go de fɔ ol dɛn pipul we de fala dis We ɛn tay dɛn briŋ dɛn kam bak na ya fɔ mek di bigman dɛn na di Ju gran kot mek dɛn sɔfa.

Apɔsul Dɛn Wok 28:21

Dɛn ansa Pɔl se, “Wi nɔ gɛt ɛni lɛta we kɔmɔt Judia we tɛl wi bɔt yu ɛn wi Ju pipul dɛn we kɔmɔt de nɔ tɛl wi ɛnitin.

Lɛta Fɔ Rom 1:3

Dis Gud Nyuz ya tɔk bɔt Gɔd in Pikin we na wi Masta Jizɔs Krays. Wɛn di Pikin na bin mɔtalman na bin wan pan Devid in grampikin pikin dɛm;

Lɛta Fɔ Rom 9:2

A sɔri bad bad fɔ mi pipul dɛn ɛn di pen we a de fil na mi at fɔ dɛn, nɔ go dɔn;

Lɛta Fɔ Rom 16:7

A de tɛl Andrɔnikɔs ɛn Junias adu, dɛn na mi kɔntri man dɛn we wi ɔl bin de na jel; ɔl di apɔsul dɛn bin no dɛn gud, dɛn bin dɔn biliv pan Krays bifo mi.

Lɛta Fɔ Rom 16:11

A de tɛl mi Ju kɔntri man, Ɛrodiɔn, ɛn ɔl dɛn Kristiɛn we de na Nasisɔs in os, adu.

Lɛta Fɔ Rom 16:21

Timoti, we de wok wit mi, de tɛl una adu; ɛn Lushyɔs, Jesɔn, Sosipata dɛnsɛf de tɛl una adu, dɛn na mi Ju kɔntriman dɛm.

2 Kɔrint 12:15

A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, nain i tan lɛkɛ se una nɔ lɛk mi bɛtɛ.

Lɛta Fɔ Galeshya 1:9

A bin dɔn tɛl una, ɛn a de tɛl una igen se, if ɛnibɔdi tɛl una gud nyuz we difrɛn frɔm di wan una bin dɔn biliv fɔs tɛm, mek Gɔd mek di pɔsin sɔfa na ɛl.

Lɛta Fɔ Ɛfisɔs 6:5

Una we de wok, una fɔ de du wetin una masta tɛl una fɔ du, ɛn una fɔ rɛspɛkt dɛn. Una fɔ du di wok wit ɔl una at lɛkɛ se na Krays una de du am fɔ.