Lɛta Fɔ Rom 9:16 - Krio Fɔs Oli Baybul

¹⁶ So nɔto wetin mɔtalman want ɔ wetin i de du go mek Gɔd pik am, bɔt na we Gɔd sɔri fɔ am nɔmɔ.

Lɛta Fɔ Rom 9:16 Referans Kwoze

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Lɛta Fɔ Filipay 2:13

Gɔd de wok insay una at so dat una go want du wetin in want una fɔ du ɛn fɔ mek una go ebul du am.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Lɛta Fɔ Rom 9:11

Gɔd tɛl Ribɛka se, “Yu big pikin go wok fɔ di smɔl wan.” Gɔd tɔk dat fɔ sho se di pikin we i pik na di wan we insɛf want, bikɔs Gɔd bin dɔn tɔk dis wɔd ya bifo di pikin dɛn bɔn, ɛn bifo dɛn gɛt chans fɔ du gud ɔ bad. So di pikin we Gɔd pik na di wan we insɛf bin dɔn kɔl, nɔto fɔseka ɛnitin we in du ɔ we di ɔda wan du.

Lyuk 10:21

Da sem tɛm de, Gɔd in Spirit mek Jizɔs gladi, nain Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho dɛn pikin we nɔ sabi natin, dɛn tin we yu ayd pan di wan dɛn we gɛt sɛns ɛn we lan plɛnti tin. Lɛ i bi so Papa, bikɔs na so yu want.

Ayzaya 65:1

A bin rɛdi fɔ lɛ dɛn wan dɛn we nɔ aks fɔ mi, fɛn fɛn mi; A bin dɔn rɛdi fɔ lɛ dɛn wan dɛn we nɔ luk fɔ mi, fɛn mi. A bin se, “Luk mi na ya, luk mi na ya,” to di neshɔn we nɔ de pre to mi.

Jɔn 3:8

Briz de blo ɛni say we i lɛk; yu de yɛri di sawnd we i de mek, bɔt yu nɔ no usay i kɔmɔt, yu nɔ no usay i de go. Na di sem tin de bi wɛn Gɔd in Spirit gi pɔsin nyu layf.”

Di Sam Dɛm 110:3

Di de we yu go rɛdi fɔ fɛt yu ɛnimi ɔl yu man dɛn go gladi fɔ go frɔnt. Na so dɛn go de blɔf bikɔs dɛn ɔl go frɛsh lɛk udat jɛs grap ali mɔnin fɔ kam fɛt fɔ yu.

Matyu 4:8

Wɛn dat dɔn, Setan kɛr am go pantap wan ay ay il ɛn sho am ɔl dɛn neshɔn na wɔl wit ɔl dɛn pawa ɛn jɛntri.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.