Lɛta Fɔ Rom 9:11 - Krio Fɔs Oli Baybul

^11-12 Gɔd tɛl Ribɛka se, “Yu big pikin go wok fɔ di smɔl wan.” Gɔd tɔk dat fɔ sho se di pikin we i pik na di wan we insɛf want, bikɔs Gɔd bin dɔn tɔk dis wɔd ya bifo di pikin dɛn bɔn, ɛn bifo dɛn gɛt chans fɔ du gud ɔ bad. So di pikin we Gɔd pik na di wan we insɛf bin dɔn kɔl, nɔto fɔseka ɛnitin we in du ɔ we di ɔda wan du.

Lɛta Fɔ Rom 9:11 Referans Kwoze

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Taytɔs 3:5

i sev wi; ɛn nɔto fɔseka ɛni gud tin we wi bin dɔn du mek i du so, bɔt na bikɔs i sɔri fɔ wi, na dat mek i mek in Spirit klin wi layf ɛn gi wi nyu spirit ɛn nyu layf.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Ayzaya 14:24

PAPA GƆD Ɔlmayti dɔn swɛ se: “Lɛk aw a dɔn plan, na so i go bi, ɛn lɛk aw a dɔn se i mɔs bi, na so i go bi,

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Rom 4:17

Lɛkɛ aw dɛn rayt na Gɔd in Buk, we Gɔd se, “A dɔn mek yu bi papa fɔ plɛnti neshɔn.” So Gɔd insɛf, we Ebraam bin biliv, we prɔmis dis prɔmis, no se i go bi. Na di sem Gɔd de mek dɛn pipul we bin dɔn day gɛt layf bak, ɛn wɛn i tɔk dɛn tin we nɔ bin de na wɔl, go de.

Lɛta Fɔ Ɛfisɔs 2:9

Una nɔ gɛt natin fɔ tek bost, bikɔs nɔto ɛnitin we una du, sev una.

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Fɔs Lɛta Fɔ Tɛsalonayka 1:4

Wi brɔda dɛn, wi no se Gɔd lɛk una ɛn i dɔn pik una so dat una go bi in yon pipul.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Ayzaya 23:9

Na PAPA GƆD Ɔlmayti dɔn plan am, fɔ mek di kak we i de kak fɔseka di nem we i dɔn mek, dɔn dɔti na PAPA GƆD in yay, fɔ disrɛspɛkt ɔl dɛn wan dɛn we dɛn rɛspɛkt na dis wɔl.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Lɛta Fɔ Ɛfisɔs 3:11

Na di tin dis we Gɔd bin dɔn mekɔp fɔ du, Gɔd mek Jizɔs Krays du wetin i bin dɔn mekɔp.

Jɛrimaya 51:29

Di land de trimbul ɛn de tɔn tɔn wit pen, bikɔs wetin PAPA GƆD plan fɔ du Babilɔn mɔs bi, dat na fɔ mek Babilɔn ɛmti ɛn gud fɔ natin ples, we nɔbɔdi nɔ tap.