Lɛta Fɔ Rom 8:9 - Krio Fɔs Oli Baybul

⁹ Bɔt una nɔ de du wetin una at gi una fɔ du, una de du wetin Gɔd in Spirit tɛl una, if Gɔd in Spirit de insay una. If Krays in Spirit nɔ de insay pɔsin, da pɔsin de nɔto Krays yon.

Lɛta Fɔ Rom 8:9 Referans Kwoze

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

Sɛkɛn Lɛta To Timoti 1:14

Kip dɛn gud tin ya we Gɔd dɔn gi yu bay in Spirit, we de insay wi, in pawa.

1 Kɔrint 6:19

Una nɔ no se una bɔdi na di os we Gɔd in Spirit tap? Una no se na Gɔd gi unain Spirit. Una nɔto una yon prɔpati, una na Gɔd yon prɔpati.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Jɔn 14:17

Di wan we go de ɛp una fɔ du wetin Gɔd want, na di Spirit we go mek pipul no ɔltin we tru bɔt Gɔd. Di pipul dɛn na di wɔl nɔ go mek di Spirit kam na dɛn layf, bikɔs dɛn nɔ de si am ɛn dɛn nɔ no am. Bɔt una no am, bikɔs i de wit una ɛn i go de insay una.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Lɛta Fɔ Ɛfisɔs 2:22

We una na Jizɔs Krays yon pipul, una ɛn dɛn ɔda pipul we na Jizɔs Krays yon semwe dɔn bi wan, una ɔl na pat pan di os we Gɔd in Spirit de.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Jɔn 3:6

Na mami ɛn dadi de bɔn pikin, bɔt na Gɔd in Spirit de mek pɔsin gɛt nyu layf lɛkɛ se i jɛs bɔn.

Lɛta Fɔ Filipay 1:19

bikɔs a no se ɔl wetin dɛn de du go mek a fri wande, bikɔs una de pre ɛn Jizɔs Krays in Spirit de ɛp mi fɔ mek a fri.

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

1 Kɔrint 15:23

Bɔt ɔlman go gɛt in yon tɛm: na Krays fɔs, dɔn dɛn wan we nain yon go rayz frɔm dɛn grev wɛn Krays kam bak.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Jɔn 3:34

Di wan we Gɔd dɔn sɛn de tɛl pipul di mɛsej we Gɔd gi am, bikɔs Gɔd mek ɔl di pawa we in Spirit gɛt de wit am.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

2 Kɔrint 10:7

Na wetin pɔsin de si nɔmɔ, una de luk. If pɔsin de we tink se in blant Krays, mek i no se aw in blant Krays, na so wisɛf blant Krays.

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Apɔsul Dɛn Wok 16:7

Wɛn Pɔl ɛn in kɔmpin dɛn rich na di bawndri we de na Mishya, dɛn bin want go na Bitinya bɔt Jizɔs in Spirit nɔ gri mek dɛn go de.

Lɛta Fɔ Rom 7:5

Di tɛm we wi bin jɛs de du ɛnitin we wi at gi wi fɔ du, wi bin de fala wi at fɔ du plɛnti bad tin, bikɔs nɔmɔ di lɔ bin se wi nɔ fɔ du dɛn; ɛn dɛn tin ya we wi bin de du bin de kil wi.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

1 Kɔrint 6:17

Bɔt pɔsin we jɔyn insɛf to di Masta, ɛn i de du wetin i tɛl am fɔ du, in ɛn di Masta go bi wan.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,