Lɛta Fɔ Rom 8:8 - Krio Fɔs Oli Baybul

⁸ Dɛn pipul we jɛs de du wetin dɛn at tɛl dɛn fɔ du, nɔ go pliz Gɔd.

Lɛta Fɔ Rom 8:8 Referans Kwoze

Lɛta Fɔ Rom 7:5

Di tɛm we wi bin jɛs de du ɛnitin we wi at gi wi fɔ du, wi bin de fala wi at fɔ du plɛnti bad tin, bikɔs nɔmɔ di lɔ bin se wi nɔ fɔ du dɛn; ɛn dɛn tin ya we wi bin de du bin de kil wi.

Lɛta Fɔ Rom 8:9

Bɔt una nɔ de du wetin una at gi una fɔ du, una de du wetin Gɔd in Spirit tɛl una, if Gɔd in Spirit de insay una. If Krays in Spirit nɔ de insay pɔsin, da pɔsin de nɔto Krays yon.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.

Jɔn 8:29

Ɛn di wan we sɛn mi de wit mi, i nɔ lɛf mi to misɛf bikɔs ɔltɛm a de du dɛn tin we i lɛk.”

1 Kɔrint 7:32

A lɛk mek una nɔ wɔri. Man we nɔ mared de put ɔl in at pan di Masta in wok, bikɔs i de wok fɔ mek Gɔd satisfay.

Fɔs Lɛta Fɔ Tɛsalonayka 4:1

Mi brɔda dɛn, bifo a dɔn wetin a de tɔk, mek a tɛl una dis las tin. Una fɔ mɛmba se wi bin dɔn sho una aw una fɔ liv fɔ mek Gɔd satisfay, ɛn na so una liv, bɔt wi de tek Masta Jizɔs in nem beg una fɔ mek una tray fɔ liv layf we bɛtɛ sɛf pas di layf we una liv naw.

Matyu 3:17

Dɔn dɛn yɛri vɔys we kɔmɔt ɔp na ɛvin we se, “Dis na mi Pikin we a lɛk, a gladi fɔ am.”

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Lɛta Fɔ Kɔlɔse 3:20

Una dɛn pikin, una fɔ de du wetin una mama ɛn papa tɛl una fɔ du ɔltɛm, bikɔs Gɔd go gladi fɔ si se una de du so.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.