Lɛta Fɔ Rom 8:5 - Krio Fɔs Oli Baybul

⁵ Dɛn pipul we de fala wetin dɛn at tɛl dɛn, na dat nɔmɔ go de na dɛn ed fɔ du; bɔt dɛn wan we de du wetin Gɔd in Spirit tɛl dɛn fɔ du, na wetin di Spirit want nɔmɔ nain de na dɛn ed fɔ du.

Lɛta Fɔ Rom 8:5 Referans Kwoze

1 Kɔrint 2:14

Bɔt pɔsin we nɔ gɛt Gɔd in Spirit nɔ go ebul ɔndastand dɛn tin we i de tɛl wi, dɛn na nɔnsɛns fɔ am; i nɔ ebul ɔndastand dɛn, na di Spirit nɔmɔ ebul mek pipul ɔndastand dɛn.

Jɔn 3:6

Na mami ɛn dadi de bɔn pikin, bɔt na Gɔd in Spirit de mek pɔsin gɛt nyu layf lɛkɛ se i jɛs bɔn.

Lɛta Fɔ Rom 8:9

Bɔt una nɔ de du wetin una at gi una fɔ du, una de du wetin Gɔd in Spirit tɛl una, if Gɔd in Spirit de insay una. If Krays in Spirit nɔ de insay pɔsin, da pɔsin de nɔto Krays yon.

Mak 8:33

Jizɔs luk di lanin bɔy dɛn, i tɔk to Pita, i se, “Pita, kɔmɔt biɛn mi, na Setan in wok yu de du so! Yu de tink lɛkɛ aw mɔtalman de tink, yu nɔ de tink lɛkɛ aw Gɔd de tink.”

2 Kɔrint 10:3

Na tru se na di wɔl wi de, bɔt wi nɔ de fɛt lɛkɛ aw mɔtalman de fɛt.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Lɛta Fɔ Ɛfisɔs 5:9

If una de na di layt, una go du wetin gud, ɛn wetin rayt ɛn tɔk wetin tru.

1 Kɔrint 15:48

Dɛn pipul we na dis wɔl yon pipul, tan lɛkɛ di man we Gɔd tek dɔti mek; dɛn wan we na ɛvin yon pipul tan lɛkɛ di Man we kɔmɔt ɛvin.

Lɛta Fɔ Galeshya 5:17

Wetin mɔtalman want, nɔto wetin Gɔd in Spirit want. Wetin Gɔd in Spirit want, nɔto wetin mɔtalman want. Wetin mɔtalman want ɛn wetin Gɔd in Spirit want na tu difrɛn tin, so una nɔ go du wetin una want fɔ du.