Lɛta Fɔ Rom 8:3 - Krio Fɔs Oli Baybul

³ Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Lɛta Fɔ Rom 8:3 Referans Kwoze

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Di Ibru Pipul Dɛn 10:14

Di wangren sakrifays we Krays mek, nain i de tek mek dɛn pipul we i de mek klin ɛn we i de put wansay fɔ du in wok, bi lɛkɛ aw i want dɛn fɔ bi.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Lɛta Fɔ Rom 6:6

Ɛn wi no fɔ tru se, di layf we wi bin liv fɔs tɛm dɔn di sem tɛm we dɛn kil Jizɔs Krays na di krɔs, so Gɔd dɔn pul di sin we bin de rul wi layf ɛn mek sin nɔ gɛt pawa na wi layf igen.

Lɛta Fɔ Galeshya 3:21

Bikɔs di Ju Lɔ de, so wetin Gɔd dɔn prɔmis nɔ min natin? Mek Gɔd nɔ gri! Bikɔs if na we pɔsin de kip di Ju Lɔ de mek di pɔsin gɛt layf, dat min se, di Ju Lɔ fɔ mek ɔltin rayt bitwin pɔsin we de kip am ɛn Gɔd.

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Lɛta Fɔ Filipay 2:7

Bifo dat, Jizɔs mekɔp fɔ lɛf ɔltin, i lɛf fɔ rul lɛkɛ aw i bin de rul, ɛn i tɔn insɛf to savant. Jizɔs tɔn to mɔtalman ɛn i kam na wɔl lɛkɛ mɔtalman.

Di Ibru Pipul Dɛn 10:12

Bɔt di sakrifays we Krays mek wan tɛm nɔmɔ, gɛt pawa fɔ pul di pipul dɛn sin kɔmɔt na dɛn layf, wan tɛm fɔ ɔl, ɛn wɛn i dɔn mek di sakrifays dɔn, i go sidɔm na Gɔd in raytan.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Lɛta Fɔ Rom 9:3

a de tɔk bɔt dɛn pipul we wi ɔl na Ju. If a bin go ɛp dɛn, a bin fɔ wish mek Gɔd kɔndɛm misɛf ɛn mek a nɔ bi Krays yon pɔsin igen.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Jɔn 9:24

Di Ju bigman dɛn kɔl di man we bin blɛn kam bak, ɛn tɛl am se, “Swɛ bifo Gɔd se na tru yu de kam tɔk! Wi no se da man we mɛn yu, na man we gɛt sin nain layf.”

Mak 15:27

Da sem tɛm de dɛn nel tu tifman pan tu krɔs, wan na Jizɔs in raytan, wan nain lɛfan. [

Di Nɔmba Dɛm 28:22

Dɛn fɔ mek shɔ se dɛn put wan man got we fɔ bi sin sakrifays fɔ yuz fɔ beg padin fɔ dɛn sin.

Lɛta Fɔ Rom 7:18

A no se nɔ gud tin nɔ de na mi at, bikɔs mi na mɔtalman. Bikɔs pan ɔl we a want fɔ du gud, a nɔ ebul du am.

Di Nɔmba Dɛm 21:9

So Mozis tek bras ayɛn mek dis snek ɛn ɛŋ am na pol. So ɛnibɔdi we snek bɛt naw, ɛn luk dis snek we dɛn tek bras ayɛn mek, nɔ go day.