Lɛta Fɔ Rom 8:21 - Krio Fɔs Oli Baybul

²¹ Gɔd go fri dɛn, so dat dɛn nɔ go rɔtin igen, dɛn go fri, lɛkɛ aw Gɔd in pikin dɛn dɔn fri.

Lɛta Fɔ Rom 8:21 Referans Kwoze

Apɔsul Dɛn Wok 3:21

Jizɔs fɔ de na ɛvin sote Gɔd dɔn du ɔltin lɛkɛ aw in prɔfɛt dɛn bin dɔn tɔk lɔntɛm.

Rɛvɛleshɔn 21:1

Wɛn dat dɔn, na de a si wan nyu ɛvin ɛn wan nyu wɔl. Di ɛvin ɛn di wɔl we bin de fɔs bin dɔn lɔs, di wata insɛf bin dɔn dray.

Pita In Sɛkɛn Lɛta 3:13

Bɔt wi de wet fɔ di nyu ɛvin ɛn di nyu wɔl we Gɔd dɔn tɔk se wi go gɛt; ɔlman go de du wetin rayt insay da wɔl de.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

1 Kɔrint 15:42

Na so i go bi di tɛm we Gɔd go mek dɛn wan we dɔn day rayz frɔm dɛn grev. Di bɔdi we dɛn de bɛr na bɔdi we de pwɛl; bɔt di bɔdi we Gɔd go mek rayz frɔm di grev, go de sote go.

Di Ibru Pipul Dɛn 12:27

Wɛn Gɔd tɔk se, “wan tɛm mɔ,” dat sho wi se i go mek ɔl dɛn tin we i mek, we nɔ tinap traŋa, nɔ de igen, so dat dɛn tin we nɔbɔdi nɔ ebul shek go de sote go.