Lɛta Fɔ Rom 8:2 - Krio Fɔs Oli Baybul

² Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Lɛta Fɔ Rom 8:2 Referans Kwoze

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

2 Kɔrint 3:17

Di “Masta” we dɛn de tɔk bɔt na ya, na di Spirit; ɛni say we di Masta in Spirit de, pipul fri.

Lɛta Fɔ Rom 6:18

Gɔd dɔn pul una kɔmɔt ɔnda sin in pawa, so naw una dɔn bi slev fɔ Gɔd fɔ du wetin rayt.

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

1 Kɔrint 15:45

Dɛn rayt na Gɔd in Buk se, “Wɛn Gɔd mek di fɔs man, Adam, i gi am layf;” bɔt di las Adam na di Spirit we de gi layf.

Jɔn 8:36

If Gɔd in Pikin mek una fri, dɛn una go fri fɔ tru.

Jɔn 8:32

una go no wetin tru bɔt Gɔd, ɛn dat go mek una fri.”

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Lɛta Fɔ Galeshya 5:1

Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Lɛta Fɔ Galeshya 2:19

Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Lɛta Fɔ Rom 7:21

Na di tin dis we a si se de bi na mi layf: Wɛn a want du gud, na bad nɔmɔ a kin ebul du.

Di Sam Dɛm 51:12

Gi mi bak di jɔy we a fɔ gɛt we a no se yu go sev mi ɛn gi mi di kayn trɛnk we go mek a no se yu de wit mi.

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Lɛta Fɔ Rom 3:27

So natin nɔ de we fɔ mek wi bost, bikɔs Gɔd de mek ɔltin rayt bitwin wi ɛn insɛf bikɔs wi biliv pan Jizɔs Krays, nɔto bikɔs wi de du wetin di Lɔ se.

Rɛvɛleshɔn 11:11

Wɛn di tri ɛn af de dɔn pas, Gɔd blo layf insay di tu pipul dɛn, na de dɛn tinap; ɔl dɛn wan we si dɛn, fred bad.

Lɛta Fɔ Rom 7:23

Bɔt di lɔ we mi bɔdi de fala difrɛn frɔm di lɔ we mi at tɛl mi se na di rayt wan. Na dat mek a tan lɛkɛ jelman to di lɔ we mi bɔdi de fala, we de mek a sin.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Lɛta Fɔ Rom 16:3

A de tɛl Prisila ɛn Akwila adu, dɛnsɛf bin de wok fɔ Jizɔs Krays wit mi;

Lɛta Fɔ Galeshya 6:2

Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du.

Jems 1:25

Gɔd in wɔd na di rayt tin fɔ mɔtalman ɛn i de mek mɔtalman fri; ɛnibɔdi we put ɔl in at pan am, we nɔ jɛs lisin am nɔmɔ ɛn fɔgɛt, bɔt i de du wetin i se, Gɔd go blɛs ɔl wetin da pɔsin de put in an pan.

Izikɛl 1:21

Wɛn dɛn krichɔ ya we gɛt layf muf, di wil dɛnsɛf de muf; wɛn dɛn tinap, di wil dɛnsɛf de tinap; ɛn wɛn dɛn grap na grɔn, di wil dɛnsɛf de grap wit dɛm; bikɔs dɛn krichɔ ya we gɛt layf, dɛn spirit bin de insay di wil dɛn.