Lɛta Fɔ Rom 8:16 - Krio Fɔs Oli Baybul

¹⁶ Gɔd in Spirit wit wi yon spirit de tɔk di sem tin se wi na Gɔd in pikin dɛn.

Lɛta Fɔ Rom 8:16 Referans Kwoze

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

2 Kɔrint 5:5

Na Gɔd dɔn rɛdi dis nyu os fɔ wi ɛn i dɔn gi wi in Spirit fɔ mek wi no fɔ tru se i dɔn gɛt ɔl dɛn tin ya fɔ wi.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Rom 8:26

Semwe so, Gɔd in Spirit de ɛp wi, we wi nɔ ebul biliv pan Gɔd gud gud yet. Wi nɔ no aw fɔ pre, na Gɔd in Spirit insɛf de tɔk to Gɔd fɔ wi; di pini we i de pini gɛt minin to Gɔd we mɔtalman nɔ ebul ɔndastand ɔ tɔk.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Lɛta Fɔ Rom 8:23

Nɔto dɛn tin ya we Gɔd mek nɔmɔ de pini; bɔt wi we gɛt Gɔd in Spirit, ɛn nain Spirit i gi wi fɔs, wisɛf de pini na wi at as wi de wet fɔ di tɛm we Gɔd go mek wi bi in pikin dɛn ɛn fri wi bɔdi, wɛn i gi wi nyu bɔdi.

Jɔn In Fɔs Lɛta 5:10

Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Matyu 5:9

“Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

Lyuk 20:36

Dɛn nɔ go day igen bikɔs dɛn tan lɛkɛ enjɛl naw ɛn dɛn na Gɔd in pikin dɛn bikɔs dɛn bin dɔn day, bɔt naw dɛn dɔn gɛt layf bak na ɛvin.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Apɔsul Dɛn Wok 5:32

Wi, we nain apɔsul dɛn, ɛn Gɔd in Spirit, de mek pipul no bɔt dɛn tin ya. Gɔd dɔn gi dɛn pipul we de du wetin i tɛl dɛn fɔ du, in Spirit.”

Lɛta Fɔ Rom 8:14

Dɛn pipul we de du wetin Gɔd in Spirit tɛl dɛn fɔ du, na Gɔd in pikin dɛn.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Lɛta Fɔ Rom 9:8

Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

Lɛta Fɔ Rom 9:26

Ɛn di sem ples we Gɔd bin se, ‘Una nɔto mi yon pipul’, na da sem ples de, Gɔd we gɛt layf sote go, go kɔl dɛn, ‘In bɔy pikin dɛn.’”

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Jɔn In Fɔs Lɛta 3:10

Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon.

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.