Lɛta Fɔ Rom 8:10 - Krio Fɔs Oli Baybul

¹⁰ Bɔt if Krays de insay una, pan ɔl we una bɔdi go day bikɔs una dɔn sin, Gɔd in Spirit go mek una gɛt layf, bikɔs Krays dɔn mek ɔltin rayt bitwin una ɛn Gɔd.

Lɛta Fɔ Rom 8:10 Referans Kwoze

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Jɔn 17:23

A de insay dɛn, yu de insay mi; a de pre mek dɛn de lɛkɛ wan pɔsin, so dat dɛn ɔda pipul na wɔl go no se na yu sɛn mi, ɛn yu lɛk dɛn lɛkɛ aw yu lɛk mi.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Filipay 1:23

Sɔntɛm a kin want liv, sɔntɛm a kin want day: a want kɔmɔt na dis wɔl ɛn go to Jizɔs Krays, ɛn dat go bɛtɛ fɔ mi fawe pas fɔ de na dis wɔl,

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

1 Kɔrint 15:45

Dɛn rayt na Gɔd in Buk se, “Wɛn Gɔd mek di fɔs man, Adam, i gi am layf;” bɔt di las Adam na di Spirit we de gi layf.

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Jɔn 15:5

“Mi na di tik, una na di an dɛn. Ɛnibɔdi we de wit mi ɔltɛm ɛn misɛf de wit am ɔltɛm, da pɔsin de go ebul du plɛnti wok fɔ Gɔd; una nɔ go ebul du natin if a nɔ ɛp una.

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Fɔs Lɛta Fɔ Tɛsalonayka 4:16

Pipul go yɛri lawd vɔys de tɛl dɛn wetin dɛn fɔ du, dɛn go yɛri di edman fɔ ɔl di enjɛl dɛn in vɔys, Gɔd in trɔmpɛt go blo, ɛn di Masta insɛf go kɔmɔt na ɛvin kam dɔŋ. Na dɛn pipul we bin biliv pan Krays sote dɛn day fɔs go rayz frɔm dɛn grev;

2 Kɔrint 13:5

Una fɔ jɔj unasɛf fɔ si if una biliv gud gud. Una fɔ no se Jizɔs Krays de insay una. If una nɔ no se Jizɔs Krays de insay una, dat sho se una nɔ biliv.

2 Kɔrint 4:11

Ɔl di tɛm we wi liv na dis layf fɔseka Jizɔs, ɔltɛm wi de na day rod, so dat pipul go si in layf pan wi we na mɔtalman.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Lɛta Fɔ Rom 5:12

Na wan man mek sin kam na wɔl ɛn sin mek day kam pan mɔtalman. So, bikɔs ɔlman dɔn sin, day de mit ɔlman.

Jɔn 6:56

Ɛnibɔdi we it mi bɔdi ɛn drink mi blɔd, di pɔsin go de na mi at ɛn misɛf go liv insay di pɔsin in at.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 6:54

Ɛnibɔdi we it mi bɔdi ɛn drink mi blɔd, da pɔsin de go gɛt layf we go de sote go, ɛn a go mek i rayz frɔm in grev ɛn gi am tru layf, di de we Gɔd go jɔj ɔlman.

Lɛvitikɔs 13:40

I se if man ia rut kɔmɔt midul in ed, i gɛt bɔled bɔt i klin na PAPA GƆD yay.