Lɛta Fɔ Rom 7:9 - Krio Fɔs Oli Baybul

⁹ Misɛf bin fil se mi layf gud bifo di Lɔ kam ɛn sho mi wetin fɔ du ɛn wetin nɔ fɔ du, bɔt wɛn di lɔ we tɔk bɔt tifyay, kam, dat mek a want fɔ sin bad.

Lɛta Fɔ Rom 7:9 Referans Kwoze

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Lɛta Fɔ Galeshya 2:19

Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs.

Lɛta Fɔ Rom 10:5

Wɛn Mozis bin rayt bɔt dɛn pipul we tink se Gɔd de mek ɔltin rayt bitwin in ɛn dɛn pipul we de du wetin di Lɔ se, i rayt se: “Dɛn pipul we de du wetin di Lɔ se, go liv di kayn layf we di Lɔ de briŋ.”

Lɛta Fɔ Rom 7:11

Di lɔ mek sin gɛt chans fɔ mek mi ful, ɛn na di lɔ sin tek kil mi.

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Lyuk 18:21

Di bigman se, “A dɔn kip ɔl dɛn lɔ ya frɔm we mi na bin pikin.”

Lyuk 15:29

I tɛl in papa se, ‘Papa, luk ɔmɔs ia naw we a de wok fɔ yu, wande a nɔ jomp yu wɔd, bɔt yu nɔ wande tek wan lili got sɛf gi mi fɔ mek mi ɛn mi padi dɛn go kam it ɛn mek wi ɔl gladi.

Matyu 19:20

Di yɔŋman ansa Jizɔs se, “A dɔn kip ɔl dɛn lɔ ya. Wetin lɛf we a fɔ du?”

Di Sam Dɛm 40:12

Di waala dɛn so bɔku pan mi dat ɛnisay a tɔn, na soso trɔbul. Mi sin dɛn dɔn so blɔk mi we, dat a nɔ de si usay a de go. A dɔn giv ɔp bikɔs dɛn plɛnti pas di ia na mi ed.

Lɛta Fɔ Rom 7:8

Di lɔ we tɔk bɔt tifyay mek sin tek chans fɔ mek mi yay go pan ɔl kayn tin we nɔto mi yon. Sin go day if Lɔ nɔ de.

Lɛta Fɔ Rom 7:10

Fɔseka dat, a bin tan lɛkɛ pɔsin we dɔn day. So di lɔ we bin fɔ mek a gɛt layf, mek day kam pan mi.