Lɛta Fɔ Rom 7:7 - Krio Fɔs Oli Baybul

⁷ Wetin wi fɔ se? Di Lɔ bad? Di Lɔ nɔ bad atɔl! Na di Lɔ bin mek a no wetin na sin. A nɔ bin fɔ no wetin na tifyay if di Lɔ nɔ bin se, “Yu nɔ fɔ gɛt tifyay.”

Lɛta Fɔ Rom 7:7 Referans Kwoze

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Ɛksodɔs 20:17

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Lɛta Fɔ Rom 4:15

Di Lɔ de mek Gɔd jɔj mɔtalman if i brok di Lɔ. Bɔt if di Lɔ nɔ de, mɔtalman nɔ go brok di Lɔ so Gɔd nɔ go jɔj am.

1 Kɔrint 15:56

Na sin mek day ebul fɔ du mɔtalman bad, na di Lɔ mek sin gɛt pawa.

Ditarɔnɔmi 5:21

Nɔbɔdi nɔ fɔ want in kɔmpin in man ɔ in wɛf, ɔ milɛ dɛn os, ɔ dɛn fam, ɔ dɛn wokman ɛn wokuman dɛn, dɛn kaw, dɛn dɔŋki ɔ ɛnitin we na dɛn kɔmpin yon.

Lɛta Fɔ Rom 13:9

Di lɔ dɛn we Gɔd gi Mozis se, “Man nɔ fɔ lɛf in wɛf go kip ɔda uman ɛn uman nɔ fɔ lɛf in man go kip ɔda man; nɔ fɔ kil; nɔ fɔ tif; ɛn nɔ fɔ gɛt tifyay” ɔl dɛn lɔ ya ɛn ɛni ɔda wan dɛn de insay wan lɔ we se, “Una fɔ lɛk una kɔmpin mɔtalman lɛkɛ aw una lɛk unasɛf.”

Lɛta Fɔ Rom 7:8

Di lɔ we tɔk bɔt tifyay mek sin tek chans fɔ mek mi yay go pan ɔl kayn tin we nɔto mi yon. Sin go day if Lɔ nɔ de.

Fɔs Lɛta Fɔ Tɛsalonayka 4:5

i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Lɛta Fɔ Rom 3:5

Na rayt tin sɔm pipul de tɔk we dɛn de agyu se di bad we wi de du de sho se Gɔd de du rayt? Wetin wi go se bɔt dat? Na bad Gɔd de du we i de pɔnish wi fɔ di bad we wi de du? (A de tɔk na ya lɛkɛ aw mɔtalman kin tɔk.)

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Lɛta Fɔ Ɛfisɔs 5:3

We una na Gɔd in pikin dɛn, i nɔ gud fɔ mek una liv fri layf, ɔ mek una du wetin nɔ rayt, ɔ mek una put yay pan wetin ɔda pɔsin gɛt; i nɔ gud sɛf fɔ mek una de tɔk bɔt dɛn tin ya to una kɔmpin.

Lɛta Fɔ Rom 7:13

Dat min se na di Lɔ we gud mek a day? Nɔto di Lɔ du dat! Na sin tek di Lɔ we gud fɔ kil mi so dat pipul go no aw sin tan fɔ tru, ɛn bikɔs di lɔ se pɔsin nɔ fɔ sin, dat mek sin kam wɔs pas aw i bin tan.

Lɛta Fɔ Rom 7:11

Di lɔ mek sin gɛt chans fɔ mek mi ful, ɛn na di lɔ sin tek kil mi.

Lɛta Fɔ Rom 7:5

Di tɛm we wi bin jɛs de du ɛnitin we wi at gi wi fɔ du, wi bin de fala wi at fɔ du plɛnti bad tin, bikɔs nɔmɔ di lɔ bin se wi nɔ fɔ du dɛn; ɛn dɛn tin ya we wi bin de du bin de kil wi.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 4:1

Wetin wi go se bɔt Ebraam we na wi Ju pipul dɛn grampapa papa? Wetin bi to am?

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Mayka 2:2

Dɛn kin kapu pipul dɛn fil ɛn os dɛn ɛn pul dɛn kɔmɔt na dɛn an. Dɛn jɛs de fɔ buli pipul dɛn ɛn pul dɛn os ɛn ɔda prɔpati kɔmɔt na dɛn an.

Di Sam Dɛm 119:96

Ɔltin, i lɛk aw i gud, de dɔn wande; bɔt yu lɔ dɛn nɔ go ɛva dɔn.

2 Samiɛl 11:2

Wan ivintɛm, Devid grap na bed ɛn bigin waka pantap in os in ruf. We i de pantap de, i si wan uman de was. Na so di uman fayn.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Lyuk 20:16

I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!”

Lɛta Fɔ Rom 5:20

Gɔd sɛn di Lɔ kam fɔ sho wi se tin de na wi at we kin mek wi want fɔ sin mɔ ɛn mɔ; bɔt aw sin de plɛnti, na so Gɔd de sho wi se in lɛk wi mɔ ɛn mɔ, pan ɔl we wi nɔ fit fɔ mek i lɛk wi.

Di Ibru Pipul Dɛn 7:19

Di Lɔ dɛn we Gɔd bin gi Mozis nɔ bin gɛt pawa fɔ mek ɔltin rayt bitwin mɔtalman ɛn Gɔd. Gɔd dɔn briŋ pɔsin we pas di Lɔ dɛn we i bin gi Mozis, ɛn na dis pɔsin ya wi abop pan fɔ mek wi kam klos Gɔd.