Lɛta Fɔ Rom 7:6 - Krio Fɔs Oli Baybul

⁶ Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Lɛta Fɔ Rom 7:6 Referans Kwoze

2 Kɔrint 3:6

Semwe, i dɔn mek wi ebul tɔk bɔt di nyu agrimɛnt we i mek wit wi; nɔto tin we rayt na buk Gɔd tek mek di agrimɛnt, na Gɔd in Spirit mek am; bikɔs dɛn tin we rayt de kil, bɔt Gɔd in Spirit de gi layf.

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Lɛta Fɔ Rom 6:4

So wɛn wi baptayz, wi day wit Jizɔs ɛn dɛn bɛr wi wit am, so dat jɛs lɛkɛ aw wi Papa yus in wɔndaful pawa mek Jizɔs Krays rayz frɔm di grev, semwe so i go yus in pawa fɔ mek wi liv di nyu kayn layf.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Lɛta Fɔ Galeshya 6:15

If pɔsin sakɔmsayz ɔ i nɔ sakɔmsayz, dat nɔ min natin; di tin we gud pas ɔl na fɔ mek Gɔd chenj pɔsin in layf.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Lɛta Fɔ Rom 7:1

Mi kɔmpin Kristiɛn dɛn, a no se una go ɔndastand wetin a de kam tɔk bɔt, bikɔs una ɔl no bɔt di lɔ. Di lɔ de kɔntrol pɔsin di tɛm nɔmɔ we di pɔsin nɔ day yet.

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Lɛta Fɔ Rom 6:11

Semwe so, una fɔ tink se unasɛf dɔn day so dat sin nɔ go gɛt pawa fɔ rul una igen, ɛn una fɔ liv naw fɔ pliz Gɔd bikɔs una gɛt wanwɔd wit Krays Jizɔs.

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Izikɛl 36:26

A go gi una nyu at ɛn put nyu spirit insay una. Ɛn a go pul di ston at we de pan una bɔdi ɛn gi una at we mek wit flɛsh

Lɛta Fɔ Rom 7:2

A go gi una wan ɛgzampul: Di lɔ se mare du man fɔ de wit in man te in man day; bɔt if in man day, di lɔ se da tɛm de di uman dɔn fri.

Lɛta Fɔ Ɛfisɔs 4:24

Una fɔ liv di nyu layf we Gɔd dɔn gi una lɛkɛ aw i want. Pɔsin we liv dis kayn layf go du wetin rayt na Gɔd yay ɛn ɔl wetin Gɔd tɛl am fɔ du.