Lɛta Fɔ Rom 7:21 - Krio Fɔs Oli Baybul

²¹ Na di tin dis we a si se de bi na mi layf: Wɛn a want du gud, na bad nɔmɔ a kin ebul du.

Lɛta Fɔ Rom 7:21 Referans Kwoze

Lɛta Fɔ Rom 7:23

Bɔt di lɔ we mi bɔdi de fala difrɛn frɔm di lɔ we mi at tɛl mi se na di rayt wan. Na dat mek a tan lɛkɛ jelman to di lɔ we mi bɔdi de fala, we de mek a sin.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Lɛta Fɔ Rom 6:12

Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Di Sam Dɛm 119:133

Sho mi wetin fɔ du lɛkɛ aw yu lɔ se; mek sin nɔ tɔn bɔs oba mi.

Pita In Sɛkɛn Lɛta 2:19

Dɛn de tɛl di pipul dɛn we dɛn de drɔ fɔ fala dɛn, se dɛn go fri, bɔt dɛnsɛf nɔ fri yet, dɛnsɛf na lɛkɛ slev to dɛn bad tin we de pwɛl layf; bikɔs if pɔsin nɔ ebul lɛf fɔ du sɔntin, da pɔsin de dɔn bi slev to da tin de.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Jɔn 8:34

Jizɔs se, “A de tɛl una fɔ tru se, ɛnibɔdi we sin, na slev to sin.

Di Sam Dɛm 119:37

Nɔ mek fulish tin ful mi yay; bɔt gi mi lɔŋ layf lɛkɛ aw yu dɔn prɔmis.

Lyuk 4:1

Wɛn Jizɔs kɔmɔt insay Riva Jɔdan, Gɔd in Spirit bin de insay am, di Spirit kɛr am go na di dɛzat we de na Judia ɛn i de wit am fɔti de, ɔl di tɛm we

Di Sam Dɛm 65:3

Wɛn wi bad bin dɔn tumɔs pan wi, yu fɔgiv wi sin dɛn.

Di Sam Dɛm 40:12

Di waala dɛn so bɔku pan mi dat ɛnisay a tɔn, na soso trɔbul. Mi sin dɛn dɔn so blɔk mi we, dat a nɔ de si usay a de go. A dɔn giv ɔp bikɔs dɛn plɛnti pas di ia na mi ed.

Lɛta Fɔ Rom 7:25

A tɛl Gɔd tɛnki we mek wi Masta Jizɔs Krays sev mi. Na so tin de go wit mi: A no se a want du wetin Gɔd in lɔ se, bɔt bikɔs mi na mɔtalman a jɛs de fala mi at fɔ sin lɛkɛ slev.