Lɛta Fɔ Rom 7:2 - Krio Fɔs Oli Baybul

² A go gi una wan ɛgzampul: Di lɔ se mare du man fɔ de wit in man te in man day; bɔt if in man day, di lɔ se da tɛm de di uman dɔn fri.

Lɛta Fɔ Rom 7:2 Referans Kwoze

1 Kɔrint 7:39

Uman we dɔn mared nɔ fri fɔ mared if in man nɔ day yet, bɔt if in man dɔn day, i fri fɔ mared to ɛni man we i want, bɔt da man de fɔ bi Kristiɛn.

1 Kɔrint 7:4

Wɛf nɔ gɛt rayt pan in yon bɔdi, nain man gɛt rayt pan in bɔdi; man nɔ gɛt rayt pan in yon bɔdi, na di wɛf gɛt rayt pan in man bɔdi.

Lɛta Fɔ Rom 7:3

Bɔt if di uman go liv wit ɔda man wɛn in maredman nɔ day yet, dat min se da uman de dɔn sin bikɔs i dɔn brok mared; bɔt di lɔ se if di uman in man dɔn day, di uman fri fɔ go mared to ɔda man, ɛn if i du dat i nɔ go sin.

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.