Lɛta Fɔ Rom 7:11 - Krio Fɔs Oli Baybul

¹¹ Di lɔ mek sin gɛt chans fɔ mek mi ful, ɛn na di lɔ sin tek kil mi.

Lɛta Fɔ Rom 7:11 Referans Kwoze

Jɛnɛsis 3:13

PAPA GƆD aks di uman se, “Wetin mek yu du so?” Di uman ansa se, “Na di snek ple in kɔni pan mi ɛn mek a it am.”

Lɛta Fɔ Rom 7:8

Di lɔ we tɔk bɔt tifyay mek sin tek chans fɔ mek mi yay go pan ɔl kayn tin we nɔto mi yon. Sin go day if Lɔ nɔ de.

Di Ibru Pipul Dɛn 3:13

Bɔt una fɔ de kɔrej una kɔmpin dɛn ɔltɛm, so dat sin nɔ go mek ɛni wan pan una ful ɛn mek una traŋayes. Na dat una fɔ de du ɛvri de, wans nɔmɔ “Tide” na tide.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Jems 1:22

Una fɔ du wetin Gɔd in wɔd se. Pɔsin we jɛs de lisin Gɔd in wɔd nɔmɔ, bɔt i nɔ de du wetin i se, de mek insɛf ful.

Lɛta Fɔ Rom 7:13

Dat min se na di Lɔ we gud mek a day? Nɔto di Lɔ du dat! Na sin tek di Lɔ we gud fɔ kil mi so dat pipul go no aw sin tan fɔ tru, ɛn bikɔs di lɔ se pɔsin nɔ fɔ sin, dat mek sin kam wɔs pas aw i bin tan.

Jɛrimaya 49:16

Di fred we una tink se pipul dɛn de fred una, ɛn di prawd we una prawd dɔn lay gi una, una we tap insay dɛn ol na dɛn rɔk ɔntɔp dɛn mawnten. Ilɛk una mek una os dɛn ɔp ɔp lɛk dɛn igul dɛn yon, a go briŋ una kɔmɔt de kam dɔŋ. Na so PAPA GƆD se.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Obadaya 1:3

I se di kak we una de kak se nɔbɔdi nɔ ebul una, dɔn mek una ful. Una fil se bikɔs una get ay ay wɔl oba una ed, nɔbɔdi nɔ go ebul una,

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.