Lɛta Fɔ Rom 6:6 - Krio Fɔs Oli Baybul

⁶ Ɛn wi no fɔ tru se, di layf we wi bin liv fɔs tɛm dɔn di sem tɛm we dɛn kil Jizɔs Krays na di krɔs, so Gɔd dɔn pul di sin we bin de rul wi layf ɛn mek sin nɔ gɛt pawa na wi layf igen.

Lɛta Fɔ Rom 6:6 Referans Kwoze

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

Lɛta Fɔ Rom 6:12

Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Ayzaya 26:13

PAPA GƆD we na wi Gɔd, ɔda masta dɛm apat frɔm yu bin dɔn rul wi, bɔt na yu nem nɔmɔ wi gri fɔ.

2 Kiŋ 5:17

Na de Neman tɛl am se if i nɔ de gri, in de beg lɛ i gi am sɔm di dɔti na di grɔn we tu pan in myul dɛn go tot, so dat in nɔ go de mek sakrifays to ɛni ɔda PAPA GƆD bɔt to PAPA GƆD.

Lɛta Fɔ Rom 7:14

Wi no se di lɔ kɔmɔt to Gɔd, bɔt mi na mɔtalman, mi na sin in slev.

2 Kɔrint 5:14

Na di lɛk we Krays lɛk wi de rul wi, bikɔs naw wi si se wan man dɔn day fɔ ɔlman, so dat min se ɔlman dɔn day wit am.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.