Lɛta Fɔ Rom 6:5 - Krio Fɔs Oli Baybul

⁵ Jɛs lɛkɛ aw wi bin jɔyn an wit Jizɔs Krays we wi day lɛkɛ aw i day, semwe so wi go jɔyn an wit am wɛn Gɔd go mek wi gɛt nyu layf lɛkɛ aw i gi Krays nyu layf wɛn i mek i rayz frɔm di grev.

Lɛta Fɔ Rom 6:5 Referans Kwoze

Lɛta Fɔ Kɔlɔse 2:12

Wɛn dɛn baptayz una, i bin jɛs tan lɛkɛ se dɛn bɛr una wit Krays, ɛn i bin tan lɛkɛ se Gɔd we mek Krays rayz frɔm di grev wit in pawa bin mek unasɛf rayz frɔm di grev, bikɔs una biliv se i gɛt pawa fɔ du ɔltin.

2 Kɔrint 4:10

Di day we Jizɔs day de na wi bɔdi ɔltɛm, so dat pipul go si in layf na wi bɔdi ɔltɛm.

Lɛta Fɔ Kɔlɔse 3:1

We Gɔd dɔn gi Krays in layf bak, i dɔn mek unasɛf gɛt nyu layf, so una fɔ put ɔl una at pan dɛn tin we Gɔd gɛt fɔ una na ɛvin, di ples we Krays sidɔm de rul na Gɔd in raytan.

Matyu 15:13

Jizɔs se, “Mi Papa we de na ɛvin go rut ɛni plant kɔmɔt we insɛf nɔ plant.

Jɛrimaya 2:21

Pan ɔl dat, a plant wan fayn fayn greps tik fɔ una we in sid na piɔ sid. Aw una manej tɔn lo layf pipul ɛn dɔn bi wayl greps?

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Di Sam Dɛm 92:13

I go fiba lɛkɛ we dɛn plant dɛn tik ya na PAPA GƆD in os we go de rɔju nain yad.

Jɔn 12:24

A de tɛl una se: wan kɔn sid nɔ go pas wan if pɔsin nɔ plant am. Bɔt if pɔsin plant am na grɔn, i go day, da tɛm de i go gro ɛn bia plɛnti sid.