Lɛta Fɔ Rom 6:4 - Krio Fɔs Oli Baybul

⁴ So wɛn wi baptayz, wi day wit Jizɔs ɛn dɛn bɛr wi wit am, so dat jɛs lɛkɛ aw wi Papa yus in wɔndaful pawa mek Jizɔs Krays rayz frɔm di grev, semwe so i go yus in pawa fɔ mek wi liv di nyu kayn layf.

Lɛta Fɔ Rom 6:4 Referans Kwoze

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Lɛta Fɔ Rom 6:9

Wi no se Gɔd dɔn mek Jizɔs Krays rayz frɔm di grev, ɛn i nɔ go day igen; day nɔ gɛt pawa oba am igen.

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

Lɛta Fɔ Rom 6:3

Unasɛf no se, wɛn wi baptayz we mek wi bi wan wit Jizɔs Krays, wi bin day lɛkɛ aw Jizɔs Krays bin day.

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

1 Kɔrint 6:14

Gɔd go tek in pawa mek wi rayz frɔm di grev lɛkɛ aw i mek di Masta rayz frɔm di grev.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Lɛta Fɔ Rom 6:19

Na dɛn tin we mɔtalman ɔndastand, a de tek fɔ ɛksplen to una fɔ mek una go ɔndastand. Tɛm bin de we una na bin slev fɔ du ɔl kayn wikɛd ɛn dɔti tin we bin de na una at. Bɔt naw una fɔ givɔp ɔl una layf fɔ bi lɛkɛ Gɔd in slev dɛn fɔ du wetin rayt, so dat una go bi Gɔd in pipul dɛn, fɔ tru.

Jɔn 11:40

Jizɔs aks Mata se, “A nɔ bin tɛl yu se, yu go si Gɔd in pawa, if yu biliv pan mi?”

Apɔsul Dɛn Wok 2:24

Bɔt Gɔd wek Jizɔs we bin dɔn day ɛn mek am rayz frɔm di grev; i nɔ mek day mek i sɔfa igen bikɔs day nɔ bin gɛt pawa fɔ mek i nɔ rayz igen.

Lɛta Fɔ Kɔlɔse 4:1

Una dɛn masta, una fɔ de du wetin rayt ɛn gud to di pipul dɛn we de wok fɔ una. Una fɔ mɛmba se unasɛf gɛt Masta we de na ɛvin.

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Jɔn 2:11

Na Kena we de na Galili, Jizɔs du dis fɔs wɔndaful wok, ɛn dat sho aw i wɔndaful, ɛn mek in lanin bɔy dɛn biliv pan am.

Apɔsul Dɛn Wok 2:32

Gɔd dɔn mek Jizɔs rayz frɔm di grev ɛn wi, we nain apɔsul dɛn de tɛl una bɔt wetin bin bi we wisɛf si.

Lɛta Fɔ Rom 6:8

If wi dɔn day wit Jizɔs Krays wi biliv se wi go gɛt layf wit am.