Lɛta Fɔ Rom 6:3 - Krio Fɔs Oli Baybul

³ Unasɛf no se, wɛn wi baptayz we mek wi bi wan wit Jizɔs Krays, wi bin day lɛkɛ aw Jizɔs Krays bin day.

Lɛta Fɔ Rom 6:3 Referans Kwoze

Lɛta Fɔ Galeshya 3:27

Una dɔn baptayz, so una gɛt wanwɔd wit Jizɔs Krays ɛn una ɔl dɔn mekɔp fɔ tan lɛkɛ Jizɔs Krays.

Lɛta Fɔ Rom 6:8

If wi dɔn day wit Jizɔs Krays wi biliv se wi go gɛt layf wit am.

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

1 Kɔrint 9:13

A shɔ se una no se dɛn pipul we de wok na Gɔd in Os, na Gɔd in Os dɛn de gɛt di tin we dɛn de it, ɛn dɛn wan we de mek sakrifays na di ɔlta de gɛt pan di tin dɛn we dɛn de sakrifays.

Lɛta Fɔ Rom 7:1

Mi kɔmpin Kristiɛn dɛn, a no se una go ɔndastand wetin a de kam tɔk bɔt, bikɔs una ɔl no bɔt di lɔ. Di lɔ de kɔntrol pɔsin di tɛm nɔmɔ we di pɔsin nɔ day yet.

Lɛta Fɔ Rom 6:16

Una no gud wan se, if una givɔp unasɛf fɔ bi slev fɔ pɔsin ɛn una du ɛnitin we di pɔsin tɛl una fɔ du, dat min se una na da pɔsin de in slev fɔ tru. Semwe so, if na sin na una masta, i go mek una day; bɔt if Gɔd na una masta, i go mek ɔltin rayt bitwin una ɛn insɛf.

Apɔsul Dɛn Wok 19:5

Wɛn di pipul dɛn yɛri wetin Pɔl tɔk, dɛn gri mek i kɔl Masta Jizɔs in nem wɛn i de baptayz dɛn.

1 Kɔrint 6:9

A shɔ se una no se nɔ bad pɔsin nɔ go go na di say we Gɔd de rul. Una nɔ mek unasɛf ful; dɛn pipul we liv bad layf, dɛn wan we de pre to dɛn tin we mɔtalman mek fɔ pre to, dɛn wan we de lɛf dɛn wɛf ɔ man go kip ɔda man ɔ uman, dɛn man we de kip dɛn kɔmpin man ɛn dɛn uman we de kip dɛn kɔmpin uman,

1 Kɔrint 5:6

Di prawd we una prawd nɔ rayt! Una no se dɛn kin se, “Na lili bit yist nɔmɔ de mek ɔl di bred rayz.”

Apɔsul Dɛn Wok 8:16

bikɔs Gɔd in Spirit nɔ bin dɔn kam insay dɛn yet. Filip bin jɛs baptayz dɛn na Masta Jizɔs in nem nɔmɔ.

2 Kɔrint 13:5

Una fɔ jɔj unasɛf fɔ si if una biliv gud gud. Una fɔ no se Jizɔs Krays de insay una. If una nɔ no se Jizɔs Krays de insay una, dat sho se una nɔ biliv.

1 Kɔrint 15:29

Lɛ a tɔk naw bɔt dɛn pipul we dɛn de baptayz fɔ dɛn wan we dɔn day. Wetin dɛn wan we de baptayz de du dat fɔ? If na tru dɛn de tɔk we dɛn se Gɔd nɔ de mek dɛn wan we dɔn day rayz frɔm dɛn grev, wetin mek pipul de go baptayz fɔ dɛn wan we dɔn day?

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

1 Kɔrint 6:19

Una nɔ no se una bɔdi na di os we Gɔd in Spirit tap? Una no se na Gɔd gi unain Spirit. Una nɔto una yon prɔpati, una na Gɔd yon prɔpati.

1 Kɔrint 9:24

Una nɔ no se pan ɔl dɛn pipul we de rɔnres na wangren pɔsin kin win? So unasɛf fɔ rɔn mek una go win.

1 Kɔrint 10:2

Di klawd we bin de oba dɛn ɛn di wata we dɛn go insay mek dɛn tan lɛkɛ se dɛn baptayz ɛn dat mek dɛn bi pipul we de fala Mozis.