Lɛta Fɔ Rom 6:2 - Krio Fɔs Oli Baybul

² Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Lɛta Fɔ Rom 6:2 Referans Kwoze

Jɔn In Fɔs Lɛta 3:9

Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd nain at, ɛn we Gɔd nain Papa, i nɔ go jɛs de sin, i nɔ gri fɔ tap.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Lɛta Fɔ Galeshya 2:19

Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs.

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Lɛta Fɔ Kɔlɔse 2:20

I jɛs tan lɛkɛ se wɛn Krays day, unasɛf day, so dɛn spirit we de rul di wɔl nɔ de rul una igen. So wetin mek una de du lɛkɛ di pipul dɛn na wɔl? Wetin mek una de fala dɛn lɔ ya we se, “Nɔ tɔch dis it ya,” “Nɔ tes da wande,” “Nɔ tek da wande fɔ it am?”

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Di Sam Dɛm 119:104

Na yu lɔ dɛn dɔn mek a gɛt sɛns, naw, a et ɛnitin we bad.

Lɛta Fɔ Rom 5:11

Nɔto dat nɔmɔ, wi gladi bikɔs Gɔd dɔn mek Jizɔs Krays briŋ wi kam bak to insɛf.

Jɛnɛsis 39:9

I se in gɛt pawa na di os lɛkɛ insɛf, ɛn i nɔ ayd natin pan am pas in we nain wɛf. I se, wetin fɔ mek in du dis kayn wikɛd tin ɛn sin to PAPA GƆD.

Lyuk 20:16

I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!”

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!