Lɛta Fɔ Rom 6:12 - Krio Fɔs Oli Baybul

¹² Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Lɛta Fɔ Rom 6:12 Referans Kwoze

Lɛta Fɔ Galeshya 5:16

A de tray fɔ tɛl una se: una fɔ du wetin Gɔd in Spirit tɛl una fɔ du, nɔto wetin una at tɛl una fɔ du.

Lɛta Fɔ Rom 6:16

Una no gud wan se, if una givɔp unasɛf fɔ bi slev fɔ pɔsin ɛn una du ɛnitin we di pɔsin tɛl una fɔ du, dat min se una na da pɔsin de in slev fɔ tru. Semwe so, if na sin na una masta, i go mek una day; bɔt if Gɔd na una masta, i go mek ɔltin rayt bitwin una ɛn insɛf.

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Di Sam Dɛm 19:13

Ɛp mi lɛ a nɔ de sin bay wilful; da tɛm de a nɔ go de du natin we gud dɔn i nɔ go bi se mi na pɔsin we de disobe yu.

2 Kɔrint 4:11

Ɔl di tɛm we wi liv na dis layf fɔseka Jizɔs, ɔltɛm wi de na day rod, so dat pipul go si in layf pan wi we na mɔtalman.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

Pita In Fɔs Lɛta 2:11

Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Di Sam Dɛm 119:133

Sho mi wetin fɔ du lɛkɛ aw yu lɔ se; mek sin nɔ tɔn bɔs oba mi.

Di Nɔmba Dɛm 33:55

If dɛn nɔ gri fɔ drɛb di pipul dɛn we dɛn mit de, ɛn lɛf dɛn fɔ tap de ɛn rɔb skin wit dɛn, dɛn go tɔn bon na dɛn trot. Dɛn go did mɔna dɛn na di land we dɛn go de.

Jud In Lɛta 1:18

Dɛn bin tɛl una se, “Bifo di wɔl dɔn, sɔm pipul go kam we go de laf una, dɛn go de fala dɛn at fɔ du ɔl wetin dɛn lɛk fɔ du, bɔt we Gɔd nɔ lɛk.”

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Fɔs Lɛta Fɔ Tɛsalonayka 4:5

i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Lɛta Fɔ Rom 5:21

So jɛs lɛkɛ aw sin bin gɛt pawa fɔ mek ɔlman day, na semwe so di lɛk we Gɔd lɛk wi pan ɔl we wi nɔ fit fɔ mek i lɛk wi, gɛt pawa fɔ mek wi gɛt layf we go de sote go, naw we Gɔd dɔn mek ɔltin rayt bitwin in ɛn mɔtalman na Masta Jizɔs Krays mek dat bi so.

Di Jɔj Dɛm 2:3

I se i nɔ go ɛp dɛn fɛt di pipul dɛn kɔmɔt na di land igen; bifo dat di pipul dɛn go tɔn bon na trot pan dɛn, ɛn di Izrɛlayt dɛn go gɛt mɔ trɔbul we dɛn wɔship di pipul dɛn gɔd dɛn.

Ditarɔnɔmi 7:2

we PAPA GƆD we na dɛn PAPA GƆD go mek dɛn kɔnka di pipul dɛn na di land, dɛn fɔ kil dɛn ɔl ɛn nɔ luk biɛn. I se dɛn nɔ mek nɔn Kɔvinant wit dɛn.

Jud In Lɛta 1:16

Dɛn pipul ya nɔ de satisfay, dɛn de grɔmbul ɔltɛm, dɛn de blem ɔda pipul, dɛn jɛs de fala dɛn at fɔ du bad, dɛn de bost bɔt dɛnsɛf, dɛn de tɛl pipul soso dɛn tin we go mek dɛn ed big so da tɛm de dɛn go gi dɛn wetin dɛn want.

2 Kɔrint 5:4

Wɛn wi de insay wi os we de na dis wɔl, dat na wi bɔdi, wi de pini lɛkɛ se na ebi ebi lod wi tot; nɔto fɔ se wi want kɔmɔt insay di bɔdi we wi gɛt na dis wɔl, bɔt wi want mek Gɔd put di bɔdi we kɔmɔt ɛvin pan wi, so dat dis bɔdi ya we de day go gɛt layf we go de sote go.

Jɛnɛsis 4:7

If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Lɛvitikɔs 13:40

I se if man ia rut kɔmɔt midul in ed, i gɛt bɔled bɔt i klin na PAPA GƆD yay.