Lɛta Fɔ Rom 6:1 - Krio Fɔs Oli Baybul

¹ So wetin wi go se? Wi fɔ jɛs de sin de go so dat Gɔd go sɔri fɔ wi ɛn sho wi se in lɛk wi mɔ ɛn mɔ pan ɔl we wi nɔ fit fɔ mek i lɛk wi?

Lɛta Fɔ Rom 6:1 Referans Kwoze

Pita In Fɔs Lɛta 2:16

Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.