Lɛta Fɔ Rom 5:8 - Krio Fɔs Oli Baybul

⁸ Bɔt Gɔd dɔn sho wi aw i lɛk wi bikɔs pan ɔl we sin bin plɛnti na wi layf, Krays day fɔ wi.

Lɛta Fɔ Rom 5:8 Referans Kwoze

Jɔn 15:13

If pɔsin day fɔ in padi, nɔ lɛk nɔ pas da wande.

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.

Fɔs Lɛta To Timoti 1:16

Bɔt we Gɔd sɔri fɔ mi, i bin want fɔ sho aw Jizɔs Krays go bia wit mi fɔ mek ɔda pipul si se, if i ebul bia wit mi we dɔn sin pas ɔlman, i go ebul bia wit ɔda pipul we go kam biliv pan am fɔseka dat ɛn gɛt layf we go de sote go.

Lɛta Fɔ Rom 5:20

Gɔd sɛn di Lɔ kam fɔ sho wi se tin de na wi at we kin mek wi want fɔ sin mɔ ɛn mɔ; bɔt aw sin de plɛnti, na so Gɔd de sho wi se in lɛk wi mɔ ɛn mɔ, pan ɔl we wi nɔ fit fɔ mek i lɛk wi.

Lɛta Fɔ Rom 3:5

Na rayt tin sɔm pipul de tɔk we dɛn de agyu se di bad we wi de du de sho se Gɔd de du rayt? Wetin wi go se bɔt dat? Na bad Gɔd de du we i de pɔnish wi fɔ di bad we wi de du? (A de tɔk na ya lɛkɛ aw mɔtalman kin tɔk.)

Lɛta Fɔ Rom 5:7

I at fɔ mek ɛnibɔdi day fɔ pɔsin we de du ɔl wetin di Lɔ se nɔmɔ. I kin bi se pɔsin gri fɔ day fɔ sɔmbɔdi we gɛt sɔri at.

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Lɛta Fɔ Rom 8:39

di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Di Ibru Pipul Dɛn 8:3

Ɔl dɛn edman we de mek sakrifays fɔ pipul sin, fɔ gi Gɔd wetin dɛn gɛt ɛn dɛn fɔ sakrifays animal to Gɔd. Semwe so, di edman we de mek sakrifays fɔ pipul sin, we wi gɛt, fɔ gɛt sɔntin we insɛf go gi Gɔd.