Lɛta Fɔ Rom 5:6 - Krio Fɔs Oli Baybul

⁶ Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Lɛta Fɔ Rom 5:6 Referans Kwoze

Lɛta Fɔ Rom 5:8

Bɔt Gɔd dɔn sho wi aw i lɛk wi bikɔs pan ɔl we sin bin plɛnti na wi layf, Krays day fɔ wi.

Lɛta Fɔ Kɔlɔse 2:13

Tɛm bin de we i bin tan lɛkɛ se una bin dɔn day, bikɔs una bin de pan sin ɛn una bin tan lɛkɛ dɛn pipul we nɔto Ju we nɔ gɛt di Lɔ we Gɔd gi Mozis. Bɔt naw we una dɔn gɛt wanwɔd wit Krays, Gɔd dɔn gi una di tru layf. Gɔd dɔn padin ɔl wi sin dɛn.

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.

Taytɔs 2:12

We i gud, i de sho wi se wi fɔ lɛf fɔ liv lɛkɛ pipul we nɔ no am, wi fɔ lɛf dɛn bad tin we wi want du na di wɔl, ɛn lan fɔ kɔntrol wisɛf, fɔ waka tret, ɛn fɔ waka wit am na dis wɔl,

Lɛta Fɔ Rom 4:5

Bɔt pɔsin we biliv Gɔd, we nɔ abop pan di gud we in de du, ɛn we biliv se na Gɔd de mek ɔltin rayt bitwin in ɛn ɔl dɛn bad pipul we biliv pan am, na dis tin ya we di pɔsin biliv go mek Gɔd mek ɔltin rayt bitwin in ɛn insɛf.

Di Ibru Pipul Dɛn 9:26

If nɔto bin so, Krays bin fɔ sɔfa plɛnti tɛm frɔm di tɛm we Gɔd mek di wɔl. Bɔt i dɔn kam di fɔs ɛn las tɛm, naw we di wɔl de dɔn, fɔ sakrifays insɛf, so dat i go pul sin kɔmɔt na wi layf, wan tɛm fɔ ɔl.

Lɛta Fɔ Galeshya 4:4

Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Fɔs Lɛta Fɔ Tɛsalonayka 5:9

Gɔd nɔ pik wi fɔ mek wi sɔfa di de we i go jɔj wi, i pik wi so dat i go sev wi; na wi Masta Jizɔs Krays du dat.

Pita In Fɔs Lɛta 1:20

Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Jud In Lɛta 1:15

fɔ jɔj ɔlman, ɛn kɔndɛm ɔl dɛn pipul we nɔ gri du wetin Gɔd want, fɔ ɔl di bad bad tin dɛn we dɛn de du we Gɔd nɔ lɛk, ɛn fɔ ɔl dɛn bad bad tin we dɛn dɔn tɔk bɔt Gɔd!”

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Daniɛl 11:15

Dɛn di kiŋ na Siria go kam blɔk blɔk di eria ɛn kapchɔ wan siti we dɛn de gyad gud gud wan. Di ami na Ijipt nɔ go ebul fɛt dɛn; di ami we na pik dɛn pik dɛnsɛf nɔ go ebul fɛt dɛn.

Di Sam Dɛm 1:1

I fayn fɔ di pɔsin we nɔ de fala wetin bad pipul se, we nɔ de kip bad kɔmpin ɛn du wetin dɛn de du, dɔn i nɔ de jɔyn bad gɛŋ fɔ mɔk PAPA GƆD.

Lamɛnteshɔn 1:6

Zayɔn in gyal pikin dɔn lɔs ɔl in fayn fayn luk ɛn rɛspɛkt. Di bigman dɛm dɔn tan lɛkɛ dɛn dia we nɔ ebul fɛn gras fɔ it; dɛn rɔnawe wik wik wan pan di pɔsin we de rɔnata dɛm.

Jud In Lɛta 1:18

Dɛn bin tɛl una se, “Bifo di wɔl dɔn, sɔm pipul go kam we go de laf una, dɛn go de fala dɛn at fɔ du ɔl wetin dɛn lɛk fɔ du, bɔt we Gɔd nɔ lɛk.”

Lɛta Fɔ Rom 5:7

I at fɔ mek ɛnibɔdi day fɔ pɔsin we de du ɔl wetin di Lɔ se nɔmɔ. I kin bi se pɔsin gri fɔ day fɔ sɔmbɔdi we gɛt sɔri at.

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Lɛta Fɔ Rom 8:34

So ɛnibɔdi de we go se Gɔd in pipul dɛn du bad? Jizɔs Krays na di wan we dɔn day fɔ wi, ɔ a fɔ se, nain Gɔd mek rayz frɔm di grev ɛn i sidɔm na Gɔd in raytan. I de beg Gɔd fɔ wi.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Di Ibru Pipul Dɛn 8:3

Ɔl dɛn edman we de mek sakrifays fɔ pipul sin, fɔ gi Gɔd wetin dɛn gɛt ɛn dɛn fɔ sakrifays animal to Gɔd. Semwe so, di edman we de mek sakrifays fɔ pipul sin, we wi gɛt, fɔ gɛt sɔntin we insɛf go gi Gɔd.

Di Nɔmba Dɛm 7:15

wan yɔŋ man kaw, wan manship ɛn wan yɔŋ manship we ol wan ia fɔ bɔn as sakrifays;