Lɛta Fɔ Rom 5:5 - Krio Fɔs Oli Baybul

⁵ We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Lɛta Fɔ Rom 5:5 Referans Kwoze

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Job 27:8

Wetin pipul dɛn we nɔ no PAPA GƆD go abop pan we PAPA GƆD tek dɛn layf, we dɛn day?

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Di Sam Dɛm 119:116

Yu dɔn prɔmis mi se yu go sev mi du am mek a nɔ day wit shem ɛn disgres.

Apɔsul Dɛn Wok 2:17

‘Gɔd se, “Na di tin dis we a go du wɛn di wɔl want dɔn, a go gi ɔlman mi Spirit. Una gyal pikin ɛn una bɔy pikin dɛn go tɛl pipul mi mɛsej; una yɔŋ man dɛn go si tin we a sho dɛn, ɛn una ol man dɛn go drim plɛnti tin.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

1 Kɔrint 8:3

Bɔt if pɔsin lɛk Gɔd, Gɔd no se da pɔsin de nain yon.

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

Apɔsul Dɛn Wok 10:45

Dɛn Ju pipul we bin biliv pan Jizɔs we bin kɔmɔt Jɔpa fala Pita kam, bin wɔnda wɛn dɛn si se Gɔd gi dɛn pipul we nɔto Ju, in Spirit.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Fɔs Lɛta Fɔ Tɛsalonayka 4:8

So ɛnibɔdi we tɔn in bak pan dɛn tin ya we wi de lan dɛn, nɔto mɔtalman di pɔsin tɔn in bak pan, na Gɔd we gi wi in Spirit i tɔn in bak pan.