Lɛta Fɔ Rom 5:2 - Krio Fɔs Oli Baybul

² Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Lɛta Fɔ Rom 5:2 Referans Kwoze

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Lɛta Fɔ Ɛfisɔs 3:12

Bikɔs wi biliv pan Jizɔs Krays ɛn wi gɛt wanwɔd wit am, wi fri ɛn gɛt di maynd fɔ go bifo Gɔd.

1 Kɔrint 15:1

Mi kɔmpin Kristiɛn dɛn, a de kam mɛmba una bɔt di Gud Nyuz we a bin tɛl una. Una bin tek wetin a se ɛn na dat mek una biliv Gɔd traŋa wan naw.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Jɔn 5:24

“A de tɛl una se, ɛnibɔdi we yɛri mi wɔd ɛn biliv pan di wan we sɛn mi kam na wɔl, dɔn bigin liv di tru layf we go de sote go. Gɔd nɔ go jɔj am, i tan lɛkɛ pɔsin we bin dɔn day, bɔt i dɔn gɛt tru layf naw.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 10:7

So Jizɔs tɔk to dɛn bak. I se, “A de tɛl una se: Mi na di get we di ship dɛn de pas.

Di Sam Dɛm 73:24

Yu de sho mi usay a fɔ go dɔn we a fala di rod, yu de gi mi ɔna. Na yu nɔmɔ we de na ɛvin a gɛt.

Rɛvɛleshɔn 21:11

Gɔd in brayt layt bin de shayn insay de; di tɔŋ bin de shayn lɛkɛ wan fayn fayn ston we dɛn kɔl jaspa, ɛn i bin de shayn lɛkɛ glas.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Lɛta Fɔ Rom 8:24

Bikɔs wi bin abop pan Gɔd, na dat mek i sev wi. Bɔt if wi dɔn si wetin wi de abop fɔ, wi nɔ go kɔl dat abop. Udat go abop fɔ tin we i dɔn si?

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Matyu 25:21

In masta se, ‘Yu du wɛl, yu na gud bɔy we tru to in masta; yu dɔn du wɛl pan smɔl wok we a gi yu fɔ du, naw a go gi yu plɛnti big wok fɔ du. Kam ɛnjɔy wit yu masta!’

Lɛta Fɔ Ɛfisɔs 6:13

Una fɔ wɛr di klos we Gɔd gi una fɔ tek fɛt, so dat wɛn di tɛm we pipul go de du plɛnti bad pas ɔl na wɔl go kam, una go ebul fɔ fɛt Setan pan ɔl di kɔni we i de pul. Wɛn una de fɛt, una nɔ go fɔdɔm, ɛn wɛn di fɛt dɔn, una go stil tinap traŋa.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

Lɛta Fɔ Rom 14:4

Udat na una fɔ jɔj ɔda pɔsin savant? Na di pɔsin we i de wok to fɔ tɛl am, if i du gud ɔ if i du bad. Di savant go ebul du wetin i fɔ du bikɔs Gɔd we na di Masta ebul fɔ mek i du wetin i fɔ du.

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

Abakɔk 3:18

dat nɔ du fɔ mek a givɔp. A go stil gladi fɔ we a gɛt PAPA GƆD, di PAPA GƆD we de pul mi pan trɔbul ɛn a go gladi bikɔs i de.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.