Lɛta Fɔ Rom 5:16 - Krio Fɔs Oli Baybul

¹⁶ Wetin Gɔd dɔn gi mɔtalman fɔ natin difrɛn frɔm di sin we wangren pɔsin sin; wɛn di wangren man sin, Gɔd jɔj am, i se i gilti; bɔt naw we plɛnti pipul sin, Gɔd nɔ mek dɛn day fɔ dɛn sin lɛkɛ aw dɛn bin fɔ day, i tɛl dɛn se, dɛn nɔ gilti.

Lɛta Fɔ Rom 5:16 Referans Kwoze

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Ayzaya 44:22

A dɔn swip di bad tin dɛn we yu dɔn du, go lɛk klawd, ɛn yu sin dɛn lɛk dyu; tɔn bak kam to mi, bikɔs a dɔn sev yu.

Ayzaya 43:25

“Na Mi, na Mi na Im we de wep una sin dɛn kɔmɔt, fɔ mi yon sek, ɛn a nɔ go mɛmba una sin dɛn igen.

Jems 2:10

If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay.

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

1 Kɔrint 11:32

Bɔt di Masta de jɔj wi ɛn pɔnish wi naw so dat i nɔ go kɔndɛm wi wit dɛn ɔda pipul na di wɔl.

Matyu 6:14

“If una padin ɔda pipul fɔ di bad we dɛn du una, una Papa we de na ɛvin insɛf go padin una.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Di Nɔmba Dɛm 7:15

wan yɔŋ man kaw, wan manship ɛn wan yɔŋ manship we ol wan ia fɔ bɔn as sakrifays;